fbpx
Föstudagur 22.október 2021

Er Sindra í nöp við feitar konur?

Ritstjórn DV
Föstudaginn 23. mars 2018 19:00

Ekki missa af Helstu tíðindum dagsins í pósthólfið þitt

Lesa nánar

Sindri og Tara Margrét 

Svarthöfði brá sér í heita pottinn í vikunni þar sem hópur fólks ræddi umdeilt viðtal Sindra Sindrasonar, sjónvarpsmanns á Stöð 2, þegar hann grillaði í beinni Þórdísi Lóu Þórhallsdóttur, oddvita Viðreisnar í Reykjavík. Þórdís mætti í jákvæð og glaðhlakkaleg í settið hjá Sindra en fljótlega runnu á hana tvær grímur.

Sindri þjarmaði vel að Þórdísi og var ekki hrifinn af svörum hennar. „Þórdís, þú segir ekki neitt. Þetta er rosalega lítið,“ sagði Sindri og hló hátt og snjallt við einu svari Þórdísar. Egill Helgason hefur komið Þórdísi til varnar og kveðst ekki viss um að fólk sem sé á sínum fyrsta degi í framboði og nýtt í stjórnmálum eigi skilið slíkar „trakteringar“. Þór Saari, fyrrverandi formaður þingflokks Hreyfingarinnar, sagði aðfarir Sindra eiga fyllilega rétt á sér og Viðreisn ætti ekkert erindi í borgarmálin með „þessari konu.“

Viðtalið minnti nokkuð á það þegar Tara Margrét Vilhjálmsdóttir, formaður Samtaka um líkamsvirðingu, mætti Sindra í sjónvarpssal til að ræða fitufordóma. Þar lenti Töru og Sindra saman eftir að hún sagði Sindra vera í forréttindastöðu. Sindri brást við því með því að spyrja hvort Tara vissi hvað hann væri í mörgum minnihlutahópum. „Ég er hommi, ég á litað barn, það er ættleitt, ég er fyrsti samkynhneigði maðurinn til að ættleiða á Íslandi, ég er giftur útlendingi – eða hálfum útlendingi – þannig að við skulum ekki fara þangað,“ sagði Sindri og Tara svaraði á móti: „Það er miklu meira samfélagslegt samþykki fyrir fordómum gegn feitu fólki.“

Þórdís fékk svo á baukinn hjá Sindra í vikunni og þegar hún kvaðst vera ákveðin í að láta til sín taka sagði Sindri: „Þetta segir okkur samt ofboðslega lítið. Er ekkert svona eitt sem þú vilt segja áhorfendum; þetta hefur ekki verið nógu vel gert, við viljum ráðast í þetta? Komdu með eitt.“ Þórdís svaraði: „Besta borg í Evrópu, er það ekki flottur mælikvarði?“ Sindri svaraði: „Þórdís, þú segir ekki neitt. Þetta er rosalega lítið.“

Um þetta var rætt í heita pottinum og voru pottverjar á því að Þórdís og Tara væru báðar klárar og glæsilegar konur sem ættu það líka sameiginlegt að vera í yfirþyngd. Feitar er orðið sem Tara vill að sé notað. Þá er nokkur svipur með Töru og Þórdísi. Enginn hefur fengið jafn mikið fyrir ferðina hjá Sindra og þær Tara og Þórdís. Það er því engin furða að fólkið í heita pottinum spyrji: Er Sindra í nöp við feitar konur?

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 9 klukkutímum

Sambandsdeildin: Alfons átti þátt í stærsta ósigri Mourinho á ferlinum – Tottenham tapaði á útivelli

Sambandsdeildin: Alfons átti þátt í stærsta ósigri Mourinho á ferlinum – Tottenham tapaði á útivelli
Fókus
Fyrir 9 klukkutímum

Valdi fullkomna nafnið fyrir dóttur sína – Hefur verið að bera það rangt fram og hatar það núna

Valdi fullkomna nafnið fyrir dóttur sína – Hefur verið að bera það rangt fram og hatar það núna
Fókus
Fyrir 11 klukkutímum

Egill minnist móðurbróður síns sem átti ótrúlegt lífshlaup – Var goðsagnapersóna í lifanda lífi í Eþíópíu

Egill minnist móðurbróður síns sem átti ótrúlegt lífshlaup – Var goðsagnapersóna í lifanda lífi í Eþíópíu
433Sport
Fyrir 11 klukkutímum

Ronaldo skákar liðum á borð við Arsenal, Chelsea og Juventus ef skoðaður er fjöldi sigurleikja í Meistaradeild Evrópu

Ronaldo skákar liðum á borð við Arsenal, Chelsea og Juventus ef skoðaður er fjöldi sigurleikja í Meistaradeild Evrópu
Fókus
Fyrir 13 klukkutímum

Kynlífsráðin sem Gwyneth Paltrow gefur börnum sínum – „Ég reyni að vera bara forvitin“

Kynlífsráðin sem Gwyneth Paltrow gefur börnum sínum – „Ég reyni að vera bara forvitin“
Fréttir
Fyrir 13 klukkutímum

Hvers vegna voru þau sýknuð?

Hvers vegna voru þau sýknuð?
433Sport
Fyrir 14 klukkutímum

Arteta brugðið eftir að hann las yfirlýsingu Bruce þar sem hann lýsir aðkasti sem hann varð fyrir

Arteta brugðið eftir að hann las yfirlýsingu Bruce þar sem hann lýsir aðkasti sem hann varð fyrir
Fréttir
Fyrir 14 klukkutímum

Isavia gefur mæla til að fylgjast með loftgæðum í Sandgerði og Garði

Isavia gefur mæla til að fylgjast með loftgæðum í Sandgerði og Garði