Tónleikar Laufeyjar í næstu viku verða teknir með trompi því á þriðjudag opnar Laufeyland í Smáralind og geta tónleikagestir og aðrir komið sér í gírinn. Tónleikarnir með Laufeyju fara fram í Kórnum 14. og 15. mars.

Laufeyland er einstök Pop-up upplifun innblásin af tónlist, fagurfræði og töfrum Laufeyjar eins og segir í tilkynningu Senu.
Verslunin opnar þriðjudaginn 10. mars kl. 12 og verður opin alla daga frá kl. 12-20 fram að seinni tónleikum, sunnudaginn 15. mars.

Á staðnum verður fjölbreytt afþreying í boði alla daga til dæmis gjafaleikir, lifandi tónlist og einnig verður Laufey varningur til sölu.
Laufey upplifunarrýmið er staðsett rétt við Garðinn, nýju mathöllina í Smáralind sem hefur slegið í gegn. Laufey Happy Hour verður í boði á nokkrum stöðum þar á milli kl. 15-17 alla vikuna.

Laufey stemning verður í Smáralind alla vikuna fyrir tónleikana og geta viðskiptavinir sem versla fyrir 5.000 kr. eða meira í verslunum Smáralindar tekið þátt í léttum leik með vinningum að verðmæti 80.000 kr., þar á meðal eru Gull miðar á tónleikana.

Tónlist Laufeyjar mun hljóma í húsinu svo það verður því sannkölluð Laufey upphitunarhátíð í Smáralind dagana 10.-15. mars!