fbpx
Sunnudagur 21.júlí 2024
Fréttir

Níu mánaða skilorðsbundið fangelsi fyrir heimilisofbeldi í Kópavogi- Lamdi fyrrverandi á aðfangadag

Ritstjórn DV
Fimmtudaginn 13. júní 2024 07:49

Héraðsdómur Reykjavíkur

Ekki missa af Helstu tíðindum dagsins í pósthólfið þitt

Lesa nánar

Héraðsdómur Reykjavíkur hefur dæmt karlmann í níu mánaða skilorðsbundið fangelsi til tveggja ára fyrir heimilisofbeldi gegn fyrrverandi eiginkonu sinni.  Í nafnhreinsuðum dómnum á vef dómstólsins kemur fram að parið hafi gengið í hjónaband árið 2016 en þremur árum síðar slitnaði upp úr sambandinu. Í lok árs 2021 hafi eiginkonan skotið húsaskjóli yfir sinn fyrrverandi í íbúð sinni í fjölbýlishúsi í Kópavogi.  Um tímabundna lausn var að ræða en maðurinn ílengdist á heimilinu þó að sambúðin hafi gengið illa, meðal annars vegna áfengisneyslu mannsins.

Maðurinn var ákærður fyrir tvö ofbeldisbrot gegn sinni fyrrverandi. Hið fyrra átti sér stað þann 3. janúar 2022 en þá lamdi maðurinn konuna fjórum til fimm sinnum með þungri steikarpönnu í kjölfar rifrildis svo blæddi úr konunni. Síðara ofbeldisbrotið átti sér á aðfangadag sama ár en þá löðrungaði maðurinn sína fyrrverandi tvisvar sinnum með flötum lófa á háls og eyra hennar.

Hann neitaði sök í báðum ákæruliðum.

Sá um framfærslu síns fyrrverandi

Í dómnum kemur fram að parið hafi kynnst erlendis, í ótilgreindu landi, árið 2015 en gengið í hjónaband hér á landi árið 2016. Kemur fram í dómnum að maðurinn sé félagslega einangraður hér á landi og þekki fáa aðra en sína fyrrverandi. Upp úr hjónabandinu slitnaði árið 2019, eins og áður segir, meðal annars vegna óreglu mannsins. Samband þeirra hafi þó verið ágætt eftir skilnaðinn en maðurinn þó haldið mikið til á heimili sinnar fyrrverandi og hún séð um framfærslu hans og veitt honum ýmiskonar aðstoð.

Konan á börn frá fyrra sambandi og kemur fram að þau hafi verið afar ósátt við framkomu mannsins gagnvart móður þeirra og meðal annars reynt að kaupa undir hann flugfar af landi brott. Sú lausn hafi ekki gengið eftir.

Niðurstaða dómstólsins var sú að framburður konunnar væri í báðum ákæruliðum einlægur, stöðugur og hófstilltur og væri studdur sönnunargögnum á vettvangi og rímaði við framburð lögreglumanna sem komu á vettvang. Það sama gilti ekki um frásögn eiginmannsins fyrrverandi.

Maðurinn, sem ekki hefur áður komist í kast við lögin, var því dæmdur í níu mánaða skilorðsbundið fangelsi til tveggja ára. Að auki var honum gert að greiða fyrrverandi eiginkonu sinni eina milljón króna í miskabætur en hún hafði farið fram á 1,5 milljónir. Að auki þarf maður að greiða sakarkostnað upp á tæpar 2,2 milljónir króna.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Fjöldi fólks varð strandaglópar í Búdapest þegar flug Wizz air féll niður – Maður í hjólastól lofar viðbrögð Íslensku Klíníkurinnar

Fjöldi fólks varð strandaglópar í Búdapest þegar flug Wizz air féll niður – Maður í hjólastól lofar viðbrögð Íslensku Klíníkurinnar
Fréttir
Í gær

Costco reiknar ekki með að „heimsendafatan“ verði til sölu hérlendis – Aðeins ákall neytenda gæti breytt því

Costco reiknar ekki með að „heimsendafatan“ verði til sölu hérlendis – Aðeins ákall neytenda gæti breytt því
Fréttir
Fyrir 2 dögum

Strandamenn óhamingjusamastir en Skagfirðingar ánægðastir með lífið

Strandamenn óhamingjusamastir en Skagfirðingar ánægðastir með lífið
Fréttir
Fyrir 2 dögum

Datt illa í vinnunni og slasaðist – Var handtekinn í kjölfarið þegar upp komst að hvorki dvalar- né atvinnuleyfi var til staðar

Datt illa í vinnunni og slasaðist – Var handtekinn í kjölfarið þegar upp komst að hvorki dvalar- né atvinnuleyfi var til staðar
Fréttir
Fyrir 2 dögum

Umboðsmaður Alþingis skipar lögreglu að afhenda Tómasi sjálfsvígsbréf sonar hans – Neita að afhenda það

Umboðsmaður Alþingis skipar lögreglu að afhenda Tómasi sjálfsvígsbréf sonar hans – Neita að afhenda það
Fréttir
Fyrir 2 dögum

Tæknibilun í vírusvarnarhugbúnaði virðist hafa valdið ringulreið á heimsvísu – „Jæja, þá kemst maður kannski ekki heim“

Tæknibilun í vírusvarnarhugbúnaði virðist hafa valdið ringulreið á heimsvísu – „Jæja, þá kemst maður kannski ekki heim“
Fréttir
Fyrir 3 dögum

Neyðarleg rangfærsla á versta tíma og ráðuneytið svarar ekki spurningum um málið

Neyðarleg rangfærsla á versta tíma og ráðuneytið svarar ekki spurningum um málið
Fréttir
Fyrir 3 dögum

Einn lítillega slasaður eftir sprengingu í Leifsstöð

Einn lítillega slasaður eftir sprengingu í Leifsstöð