fbpx
Mánudagur 22.júlí 2024
Fréttir

Sindri óskar eftir upplýsingum vegna innbrots í verslun bróður hans – „Þetta er sorgarástand sem þarf að taka á“

Ágúst Borgþór Sverrisson
Miðvikudaginn 12. júní 2024 13:00

Ekki missa af Helstu tíðindum dagsins í pósthólfið þitt

Lesa nánar

Fyrir skömmu brutust þrír karlmenn inn í sérverslunina OTS Outdoor Tactical Sport, að Smiðjuvegi 4 í Kópavogi, og stálu töluvert miklu af verðmætum. Húðflúrarinn Sindri Daði Rafnsson birti myndefni úr eftirlitsmyndavélum af innbrotinu á Facebook-síðu sinni og óskar eftir ábendingum frá sem kunna að hafa upplýsingar um málið.

Sindri segir í samtali við DV að allar ábendingar sem þeir hafi fengið hnígi í þá átt að brotamennirnir séu glíma við fíknisjúkdóm. Innbrotið hafi ekki verið fagmannlega framkvæmt en þó að einhverju leyti undirbúið, vill hann þá ekki upplýsa hvað var viðvaningslegt við innbrotið:

„ Ég myndi ekki segja að þetta hafi verið vel planað en þeir hafa komið þarna inn og skannað búðina. Þetta eru menn í fíknivanda, allar ábendingar sem við höfum fengið benda til þess.“

Málið er í rannsókn lögreglu. „Við höfum fengið hellingsviðbrögð en við vitum svo sem ekki neitt ennþá og höfum í rauninni bara komið upplýsingum á lögregluna.“

Þjófarnir tóku meðal annars gleraugu, útivistarhnífa og vasaljós. „Þetta eru allt sérvörur, mjög dýrar vörur,“ segir Sindri. Tjónið er verulegt.

Sindri rekur afbrot af þessu tagi til þess að skrúfað hafi verið fyrir skaðaminnkandi úrræði læknisins Árna Tómas Ragnarssonar sem skrifaði út hæfilega skammta af morfínsskyldum lyfjum fyrir fólk í fíknivanda uns landlæknir felldi lyfjaávísanaleyfi hans úr gildi.

„Þetta er þessi faraldur sem varð eftir að lyfjunum var kippt af þessu fólki. Ég á mína fortíð og þekki fólk sem er að þjást þarna úti, ég er sjálfur að reka verslun niðri á Laugavegi og sé þetta dagsdaglega og er í miklum samskiptum við þetta fólk. Það er verið að kippa fótunum undan þessu fólki, margir eru komnir í harða neyslu og eru að reyna að bjarga sé á svörtum markaði með lyfjanotkun og halda sér frá sterkari efnum sem eru að drepa þau. Það er kristaltært að þetta er ástæðan.“

Sindri segir þetta ástand vera sorglegt. „Þetta er leiðinlegt ástand að horfa upp á.“

Þeir sem kunna að hafa upplýsingar um málið geta haft samband við Lögregluna á höfuðborgarsvæðinu eða sent Sindra skilaboð í gegnum Facebook-síðu hans.

Sindri segir að hann og bróðir hans séu alls ekki í hefndarhug og hafi ekki trú á refsigleði. Fólki í fíkn þurfi að koma til hjálpar. „Við viljum ekki að þetta komi fyrir aftur. Það var brotist inn á tattoo-stofuna mína fyrir tveimur árum og ég fann þann gaur og bauð honum að koma og taka á mig níunda sporið þegar rynni af honum. Hann skilaði öllu. Ástæðan fyrir innbrotinu var eingöngu sú að það var snjóstormur úti og hann var að leita sér að skjóli en svo datt hann í lukkupott. Þetta er sorgarástand sem þarf að taka á, þetta er ekki fólk sem hefur gaman af því að gera þetta heldur fólk sem þjáist og er bara að reyna að ströggla í gegnum daginn.“

Fréttinni hefur verið breytt. 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Fjöldi fólks varð strandaglópar í Búdapest þegar flug Wizz air féll niður – Maður í hjólastól lofar viðbrögð Íslensku Klíníkurinnar

Fjöldi fólks varð strandaglópar í Búdapest þegar flug Wizz air féll niður – Maður í hjólastól lofar viðbrögð Íslensku Klíníkurinnar
Fréttir
Í gær

Costco reiknar ekki með að „heimsendafatan“ verði til sölu hérlendis – Aðeins ákall neytenda gæti breytt því

Costco reiknar ekki með að „heimsendafatan“ verði til sölu hérlendis – Aðeins ákall neytenda gæti breytt því
Fréttir
Fyrir 2 dögum

Strandamenn óhamingjusamastir en Skagfirðingar ánægðastir með lífið

Strandamenn óhamingjusamastir en Skagfirðingar ánægðastir með lífið
Fréttir
Fyrir 2 dögum

Datt illa í vinnunni og slasaðist – Var handtekinn í kjölfarið þegar upp komst að hvorki dvalar- né atvinnuleyfi var til staðar

Datt illa í vinnunni og slasaðist – Var handtekinn í kjölfarið þegar upp komst að hvorki dvalar- né atvinnuleyfi var til staðar
Fréttir
Fyrir 2 dögum

Umboðsmaður Alþingis skipar lögreglu að afhenda Tómasi sjálfsvígsbréf sonar hans – Neita að afhenda það

Umboðsmaður Alþingis skipar lögreglu að afhenda Tómasi sjálfsvígsbréf sonar hans – Neita að afhenda það
Fréttir
Fyrir 2 dögum

Tæknibilun í vírusvarnarhugbúnaði virðist hafa valdið ringulreið á heimsvísu – „Jæja, þá kemst maður kannski ekki heim“

Tæknibilun í vírusvarnarhugbúnaði virðist hafa valdið ringulreið á heimsvísu – „Jæja, þá kemst maður kannski ekki heim“
Fréttir
Fyrir 3 dögum

Neyðarleg rangfærsla á versta tíma og ráðuneytið svarar ekki spurningum um málið

Neyðarleg rangfærsla á versta tíma og ráðuneytið svarar ekki spurningum um málið
Fréttir
Fyrir 3 dögum

Einn lítillega slasaður eftir sprengingu í Leifsstöð

Einn lítillega slasaður eftir sprengingu í Leifsstöð