fbpx
Fimmtudagur 18.júlí 2024
Fréttir

Inga Lind segir VG færa erlendum fyrirtækjum verðmæti upp á 200 milljarða króna

Ritstjórn DV
Miðvikudaginn 12. júní 2024 15:00

Inga Lind Karlsdóttir

Ekki missa af Helstu tíðindum dagsins í pósthólfið þitt

Lesa nánar

Inga Lind Karlsdóttir, sem er í stjórn Íslenska náttúruverndarsjóðsins, skrifar harða ádrepu á frumvarp um lagareldi sem nú liggur fyrir Alþingi. Frumvarpið má sjá hér. Umdeildasta ákvæði þessa varðar ótímabundið rekstrarleyfi til fiskeldisfyrirtækja. Í 101. gr. frumvarpsins segir:

„Uppfylli rekstrarleyfishafi eða skráningarskyldur aðili öll skilyrði laga þessara og reglna settra með stoð í þeim skulu rekstrarleyfi til landeldis og skráning vegna landeldis vera ótímabundin.“

Inga Lind segir í aðsendri grein á Vísir.is:

„Í frumvarpinu felst að stórfyrirtækjum sem að mestu eru í erlendri eigu eru afhentar gríðarverðmætar náttúruauðlindir endurgjaldslaust og heimilað að nýta þær til frambúðar undir mjög mengandi atvinnustarfsemi. Í áliti sem einn af matvælaráðherrum Vinstrihreyfingarinnar græns framboðs aflaði við undirbúning málsins segir beinlínis að með frumvarpinu sé verið að færa þessum fyrirtækjum mikil verðmæti. Miðað við endurgjald fyrir afnot af samskonar auðlindum í Noregi má áætla að það nemi ekki minna en 200 milljörðum íslenskra króna. Samkvæmt frumvarpi matvælaráðherra á að afhenda þessar gríðarverðmætu auðlindir endurgjaldslaust og án neinnar tryggingar fyrir því að verðmætin skili sér til íbúa í hlutaðeigandi byggðum.“

Inga Lind segir frumvarpið ekki takast á við þau vandamál sem fylgja lagareldi og veittur sé 100 prósent afsláttur af umhverfisvernd og dýravelverð:

„Áfram er gert ráð fyrir að heimilt verði að ala eldislax í opnum sjókvíum með þeim skelfilegu umhverfisáhrifum sem óhjákvæmilega fylgja slíku eldi. Þessi stefna er fest í sessi til allrar framtíðar í frumvarpinu þrátt fyrir að einhver stærstu umhverfisslys Íslandssögunnar hafi þegar átt sér stað í sjókvíaeldi á þeim örfáu árum sem það hefur verið stundað í íslenskum fjörðum.

Loks er í frumvarpinu á engan hátt tekið á þeim fjölmörgu álitaefnum um dýravelferð sem fylgja þauleldi á fiski í sjókvíum þar sem sjúkdómar og sníkjudýr grassera og laxinn veikist og drepst í stórum stíl við aðstæður sem þættu ekki boðlegar við neina aðra matvælaframleiðslu.“

Inga Lind hvetur matvælaráðherra til að taka frumvarpið til baka og leggja það fram endurskoðað í haust, „án afsláttar af hagsmunum íslenskra skattgreiðenda og íslenskrar náttúru.“

Greinina í heild má lesa hér.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Jökull á heimleið
Fréttir
Fyrir 11 klukkutímum

Joe Biden greindur með COVID-19

Joe Biden greindur með COVID-19
Fréttir
Fyrir 11 klukkutímum

Ólafur og börnin stefna á karatemót í Rúanda – ,,Hafði ekki brjóst í mér að segja þeim að við ættum alls ekki efni á því“

Ólafur og börnin stefna á karatemót í Rúanda – ,,Hafði ekki brjóst í mér að segja þeim að við ættum alls ekki efni á því“
Fréttir
Fyrir 2 dögum

Vilhjálmur er með hugmynd um hvernig bjarga megi Akranesi en til þess þurfi hugrekki – „Við verðum að snúa vörn í sókn“

Vilhjálmur er með hugmynd um hvernig bjarga megi Akranesi en til þess þurfi hugrekki – „Við verðum að snúa vörn í sókn“
Fréttir
Fyrir 2 dögum

Hröð útbreiðsla Covid veldur Landspítalanum vandræðum

Hröð útbreiðsla Covid veldur Landspítalanum vandræðum