Fyrstu tölur hafa verið birtar í forsetakosningunum en kjörstöðum var lokað klukkan 22 og koma þær úr Norðausturkjördæmi þar sem talin hafa verið 3000 atkvæði og strax í kjölfarið fylgdi Suðurkjördæmi þar sem talin hafa verið 9786 atkvæði. Skiptingin milli frambjóðenda eftir þessar fyrstu tölur úr tveimur kjördæmum er eftirfarandi.
Halla Tómasdóttir hefur örugga forystu með 37,2 prósent
En fylgi annarra frambjóðanda er eftirfarandi:
Katrín Jakobsdóttir 21,4 prósent
Halla Hrund Logadóttir 16,2 prósent
Jón Gnarr 10 prósent
Baldur Þórhallsson 8,6 prósent
Arnar Þór Jónsson 5,5 prósent
Aðrir frambjóðendur eru með undir 1 prósent atkvæða.
Eins og í forsetakosningunum 2016 er Halla Tómasdóttir með mun meira fylgi en skoðanakannanir gáfu til kynna. Ólafur Harðarson stjórnmálafræðiprófessor skýrði í kosningasjónvarpi RÚV muninn meðal annars með því að margir kjósendur hafi kosið taktískt og að margir hafi ákveðið sig á síðustu stundu.
