fbpx
Þriðjudagur 28.maí 2024
Fréttir

Einfætt íþróttakona ósátt við að þurfa að kaupa skópar hjá Nike – Þarf að henda helmingnum í ruslið

Kristinn H. Guðnason
Sunnudaginn 14. apríl 2024 14:30

Reid missti fótinn sextán ára gömul í slysi á bát. Mynd/Getty

Ekki missa af Helstu tíðindum dagsins í pósthólfið þitt

Lesa nánar

Stef Reid, einfætt frjálsíþróttakona frá Bretlandi, er afar ósátt við að þurfa að kaupa heilt skópar hjá Nike þegar hún þarf aðeins að nota annan skóinn. Hún véfengir það að íþróttarisinn bandaríski standi að fullu með fötluðu íþróttafólki að þessu leyti.

„Þetta er mjög dýrt. Þegar ég kaupi par af þessum skóm þarf ég að henda helmingnum í ruslið. Það er kjánalegt,“ segir Reid sem unnið hefur medalíur á ólympíuleikum fatlaðra í langstökki og 200 metra spretthlaupi við fréttastofuna Reuters. Hún keppti áður fyrir Kanada áður en hún skipti yfir í breska landsliðið.

42 þúsund krónur

Hún notar Vaporfly skó frá Nike en hefur ekki getað keypt staka skó eins og hún vill gera. Parið af Vaporfly skóm kosta um 240 pund í verslunum í Bretlandi, eða rúmlega 42 þúsund íslenskar krónur.

Reid missti hægri fótinn í slysi á bát þegar hún var sextán ára gömul. Hún notar í dag gervifót sem smíðaður er af íslenska fyrirtækinu Össuri.

„Ég hefði ekki verið að tjá mig um þetta nema vegna þess að þegar fyrirtæki er að nota myndir (af útlimalausum hlaupurum í auglýsingaefni) þá er fyrirtækið að gefa út yfirlýsingu um að það sinni fjölbreyttum hóp og taki utan um hann,“ segir Reid.

Fær 15 prósent afslátt

Nike hefur brugðist við þessu og boðist til að selja Reid skóparið á 15 prósent afslætti.

„Við hjá Nike stöndum með öllu íþróttafólki, og styðjum við bakið á mörgum fötluðu íþróttafólki og íþróttasamböndum um víða veröld og störfum með þeim að alls konar verkefnum,“ segir í yfirlýsingu fyrirtækisins.

Þá var einnig bent á að Nike reki í Bandaríkjunum svokallaðan „skóbanka“ (One Shoe Bank) þar sem einfætt íþróttafólk getur reynt að finna stakan skó við hæfi. Vonast er til þess að þetta verkefni verði útfært til fleiri landa síðar meir.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 18 klukkutímum

Missti hluta af öðru nýranu en fær engar bætur

Missti hluta af öðru nýranu en fær engar bætur
Fréttir
Fyrir 20 klukkutímum

Bráðfyndið atvik í verslun – Reyndi að svíkja út pening en var sjálf kærð

Bráðfyndið atvik í verslun – Reyndi að svíkja út pening en var sjálf kærð
Fréttir
Fyrir 23 klukkutímum

Tilkynnt um mann sem „beraði sig og hristi“

Tilkynnt um mann sem „beraði sig og hristi“
Fréttir
Í gær

Stoltenberg vill að Úkraínumenn fái að nota vestræn vopn til árása á rússneskt landsvæði

Stoltenberg vill að Úkraínumenn fái að nota vestræn vopn til árása á rússneskt landsvæði
Fréttir
Fyrir 2 dögum

Anita hvetur yfirvöld til að segja nafn látinnar dóttur sinnar upphátt – „Þetta eru óafturkræf mistök, óafturkræf vanræksla“

Anita hvetur yfirvöld til að segja nafn látinnar dóttur sinnar upphátt – „Þetta eru óafturkræf mistök, óafturkræf vanræksla“
Fréttir
Fyrir 2 dögum

Þetta eru dýrustu og ódýrustu borgir Evrópu til að fara í helgarferð

Þetta eru dýrustu og ódýrustu borgir Evrópu til að fara í helgarferð