Einum var bjargað í dag úr snjóflóði sem féll í nágrenni skíðasvæðisins í Stafdal ofan Seyðisfjarðar.

Tilkynnt var um snjóflóðið laust eftir klukkan fjögur í dag. Tveir voru á svæðinu þegar flóðið féll og lenti annar þeirra undir. Viðbragðsaðilar voru strax ræstir út, björgunarsveitir á svæðinu og þyrla Landhelgisgæslu reiðubúin að fara af stað með hjálparlið og búnað. Aðgerðastjórn í umdæminu var virkjuð og samhæfingarstöð Almannavarna, eins og segir í tilkynningu frá lögreglunni á Eskifirði.

Um klukkan 16:30 var viðkomandi fundinn og laus undan flóðinu með aðstoð félaga síns. Hann var í kjölfarið fluttur undir læknishendur með sjúkrabifreið. Ekki er talið að meiðsl hans séu alvarleg en lerkaður eftir.

Viðbragðsaðilar voru þá kallaðir til baka, rétt um klukkan 16:40.

Snjóflóðaeftirlit Veðurstofu var strax upplýst um atvik. Svæðinu hefur nú verið lokað þar til metið hefur verið hvort hætta er enn til staðar.