Fyrirtaka var í morgun í Héraðsdómi Reykjaness í afar hrottalegu nauðgunarmáli. Þinghöld í málinu eru lokuð en í ákæru Héraðssaksóknara er karlmaður sakaður um nauðgun og sérstaklega hættulega líkamsárás, að virðist gegn fyrrverandi sambýliskonu sinni.

Atburðurinn átti sér stað á heimili fólksins og er maðurinn sagður hafa nauðgað konunni bæði í leggöng og endaþarm. Hún hafi hlotið mikla áverka af árásinni, meðal annars lífshættulega áverka í leggöngum. Lýsing á árásinni er orðið svo í texta ákæru Héraðssaksóknara:

„…eftir að hann og A hófu samfarir með vilja beggja, beitt hana ofbeldi og ólögmætri nauðung er hann hafði við hana, án hennar samþykkis samræði, endaþarmsmök og önnur kynferðismök og stungið hendi sinni langt inn í leggöng hennar en ákærði hélt henni niðri og hélt samræði og öðrum kynferðismökum áfram þrátt fyrir ítrekaðar beiðnir hennar um að hætta. Af þessu hlaut A lífshættulega áverka í leggöngum þar sem hún hlaut tvær sárrifur og rifu á slagæð, með virkri slagæðablæðingu sem sauma þurfti fyrir, auk þess sem hún hlaut mar á vinstri rasskinn og mar á fótleggi og læri.“

Héraðssaksóknari krefst þess að maðurinn verði dæmdur til refsingar og greiðslu alls sakarkostnaðar.

Konan gerir miskabótakröfu á hendur manninum upp á 2,5 milljónir króna.