Þrír menn voru fluttir á slysadeild eftir að eldur kom upp í húsnæði við Funahöfða síðdegis í gær. Einn hinna slösuðu lést á gjörgæsludeild nokkru síðar en hinir tveir eru ekki taldir í lífshættu.
Eldsupptök eru ókunn en rannsókn lögreglu á brunavettvangi stendur yfir.
Tilkynning um eldinn barst kl. 15:14 og hélt fjölmennt lið viðbragðsaðila þegar á staðinn. Slökkvistarf gekk vel og var að mestu lokið innan klukkustundar.
Ekki er hægt að veita nánari upplýsingar að svo stöddu eins og segir í tilkynningu frá lögreglu.
Sjá einnig: Eldsvoði í Funahöfða
