fbpx
Fimmtudagur 03.júlí 2025
Fréttir

Dæmdur í stutt skilorðsbundið fangelsi fyrir heimilisofbeldi rétt fyrir jól

Ritstjórn DV
Mánudaginn 23. janúar 2023 10:50

Héraðsdómur Reykjaness

Ekki missa af Helstu tíðindum dagsins í pósthólfið þitt

Lesa nánar

Héraðsdómur Reykjaness hefur dæmt karlmann í þriggja mánaða skilorðsbundið fangelsi fyrir heimilisofbeldi gegn sambýliskonu sinni. Ofbeldisverknaðurinn átti sér stað þann 18. desember 2021 á þáverandi heimili þeirra. Var maðurinn sakfelldur fyrir að hafa slegið konuna  í andlitið með þeim afleiðingum að hún „hlaut mar og yfirborðsáverka á andliti, verki í andlitsbeinum, bólgu og mar á vísifingri hægri handar, marblett á hægri upphandlegg, þrjá marbletti á vinstri upphandlegg og þreifieymsli á hálsi, herðum og bringubeinum,“ eins og segir í ákæru.

Í dómnum kom fram að lögregla hefði verið kölluð að heimili fólksins þennan dag og þá hafi konan tekið á móti laganna vörðum og verið í miklu uppnámi og átt erfitt með að tjá sig. Hún hafi tjáð lögreglu að hún hafi verið að horfa á sjónvarpið ásamt manni sínum og bæði verið að neyta áfengis. Hann hafi verið búinn að drekka töluvert en hún hafi verið búin að drekka eina vodkablöndu. Að hennar sögn hafi maðurinn allt í einu orðið pirraður og farið að kenna henni um allt og síðan gefið henni fjögur hnefahögg á vinstri vanga.

Mundi ekki eftir árásinni en neitaði sök

Maðurinn hafi svo yfirgefið heimilið og farið til bróður síns, þar sem hann var síðar handtekinn, og konan hringt í neyðarlínuna. Hann var upphaflega einnig ákærður fyrir að hafa keyrt undir áhrifum áfengis til bróður síns en sá ákæruliður var felldur niður fyrir dómi.

Maðurinn var látinn gista fangageymslu lögreglu þessa nótt og var síðan yfirheyrður um morguninn. Sagðist hann ekki muna alveg eftir atvikum kvöldsins en sagðist þó muna eftir sjónvarpsáhorfinu og að hann og sambýliskonan hafi farið að rífast. Hann sagðist ekki muna hver hefði átt upptökin en rámaði í að sambýliskona hans hefði rifið bolinn hans. Þá greindi hann frá erfiðleikum með son sambýliskonu sinnar og það gæti verið að rifrildið hafi snúist um það að hann hafi verið reiður út í drenginn.

Hann neitaði því alfarið að hafa kýlt sambýliskonu sína sinnum en hann hélt að hann hefði ýtt á bringuna á henni og hún þá hrasað aftur fyrir sig og legið á gólfinu. Sama dag og maðurinn  gaf skýrsluna skrifaði hann undir yfirlýsingu þar sem hann skuldbatt sig til að koma ekki á eða vera við dvalarstað brotaþola, ekki veita henni eftirför, né heimsækja hana eða vera á annan hátt í sambandi við hana svo sem með símtölum eða tölvupósti.

Maðurinn var sakfelldur fyrir líkamsárásina og byggðist sú sakfelling aðallega á áverkavottorði lækna sem og framburði lögreglu á vettvangi. Auk skilorðsbunda dómsins var maðurinn dæmdur til að greiða konunni 450 þúsund krónur í miskabætur og 450 þúsund krónur í málskostnað.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 16 klukkutímum

Eftirlýstur hælisleitandi úrskurðaður í gæsluvarðhald eftir að hafa forðast brottvísun í tæp 3 ár

Eftirlýstur hælisleitandi úrskurðaður í gæsluvarðhald eftir að hafa forðast brottvísun í tæp 3 ár
Fréttir
Fyrir 16 klukkutímum

Alvarleg staða á Landspítalanum – Ófaglærðir halda starfseminni gangandi þegar kemur að hjúkrun og umönnun

Alvarleg staða á Landspítalanum – Ófaglærðir halda starfseminni gangandi þegar kemur að hjúkrun og umönnun
Fréttir
Í gær

Sífellt fleiri kalla eftir því að 71. greininni verði beitt gegn málþófi stjórnarandstöðunnar

Sífellt fleiri kalla eftir því að 71. greininni verði beitt gegn málþófi stjórnarandstöðunnar
Fréttir
Í gær

Segir stjórnarandstöðuna leggja fæð á Ingu Sæland og hindra framfaramál með botnlausu málþófi

Segir stjórnarandstöðuna leggja fæð á Ingu Sæland og hindra framfaramál með botnlausu málþófi
Fréttir
Fyrir 2 dögum

Skemmdarverk á Seltjarnarnesi – Lögreglan leitar vitna

Skemmdarverk á Seltjarnarnesi – Lögreglan leitar vitna
Fréttir
Fyrir 2 dögum

Kemur fram á lokatónleikum Black Sabbath þrátt fyrir að hafa verið skotinn margsinnis – Árásarmennirnir gómaðir

Kemur fram á lokatónleikum Black Sabbath þrátt fyrir að hafa verið skotinn margsinnis – Árásarmennirnir gómaðir