fbpx
Laugardagur 04.febrúar 2023
Fréttir

Zelenskyy er ekki viss um að Pútín sé „á lífi“

Kristján Kristjánsson
Föstudaginn 20. janúar 2023 05:56

Er Pútín ráðvilltur? Mynd:EPA

Ekki missa af Helstu tíðindum dagsins í pósthólfið þitt

Lesa nánar

Það er ekki að sjá að neinar líkur séu á að friðarviðræður séu mögulegar á milli Rússa og Úkraínumanna. Bæði löndin hafa sett fram ákveðnar kröfur í garð hins ef þau eiga að setjast að samningaborðinu. Hvorugt landið vill verða við þessum kröfum.

En það er einnig önnur hindrun í veginum ef marka má það sem Volodymyr Zelenskyy, forseti Úkraínu, segir. Hann ávarpaði World Economic Forum í Davos í Sviss í gær í gegnum fjarfundabúnað. Þar var hann spurður um hvernig útlitið væri fyrir friðarviðræður. Hann sagði að hann viti ekki hvern hann eigi að ræða við í Rússlandi um frið því hann „sé ekki viss um“ að Pútín sé enn á lífi.

„Ég veit ekki alveg hvern ég á að tala við og um hvað. Ég er ekki viss um að rússneski forsetin, sem birtist stundum fyrir framan grænan skjá, sé í raun sá rétti,“ sagði Zelenskyy og gaf þannig í skyn að Rússar notist við tvífara Pútíns.

„Ég veit ekki hvort hann er á lífi og hvort það er hann sem tekur ákvarðanirnar eða hvaða hópur tekur ákvarðanirnar núna. Þær upplýsingar hef ég ekki,“ sagði hann.

En það er ekkert sem bendir til að Pútín sé ekki lengur á meðal vor. Margir orðrómar hafa verið á kreiki um það frá upphafi stríðsins en ekkert hefur komið fram sem sannar það og hann skýtur upp kollinum öðru hverju. Því hefur verið haldið fram að notast sé við tvífara hans og þá fleiri en einn en það hefur ekki verið staðfest.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Segir að Rússar ætli að hefja stórsókn 24. febrúar

Segir að Rússar ætli að hefja stórsókn 24. febrúar
Fréttir
Í gær

Reyndi að stinga lögregluna af á hlaupum

Reyndi að stinga lögregluna af á hlaupum
Fréttir
Fyrir 2 dögum

ESB-ríkin ætla að þjálfa 15.000 úkraínska hermenn til viðbótar

ESB-ríkin ætla að þjálfa 15.000 úkraínska hermenn til viðbótar
Fréttir
Fyrir 2 dögum

Lögreglan skaut fótalausan mann til bana – Myndband

Lögreglan skaut fótalausan mann til bana – Myndband
Fréttir
Fyrir 2 dögum

Fréttavaktin: Afskrifuð af skólakerfinu en er nú nemi við Háskólann í Flórída, uppbygging í Kerlingarfjöllum og Vetrarhátíð

Fréttavaktin: Afskrifuð af skólakerfinu en er nú nemi við Háskólann í Flórída, uppbygging í Kerlingarfjöllum og Vetrarhátíð
Fréttir
Fyrir 2 dögum

Edda Björk tapaði í Landsrétti: Þarf að láta synina frá sér innan þriggja vikna

Edda Björk tapaði í Landsrétti: Þarf að láta synina frá sér innan þriggja vikna