fbpx
Fimmtudagur 26.janúar 2023
Fréttir

„Kokkur Pútíns“ sendi kokk á sjúkrahús í tvo mánuði – Ástæðan? – Tómatar

Kristján Kristjánsson
Föstudaginn 20. janúar 2023 07:00

Yevgeni Prigozhin hefur verið kallaður „Kokkur Pútíns“. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Yevgeny Prigozhin, eigandi málaliðafyrirtækisins Wagner Group, hefur oft verið nefndur „Kokkur Pútíns“. Það viðurnefni er dregið að því að vinur hans, Vladímír Pútín, lét honum í té ábatasama samninga um að sjá rússneska hernum fyrir mat. Pútín er vanur að gera vel við vini sína og ausa í þá úr almannasjóðum og þess hefur Prigozhin notið góðs af.

En „Kokkur Pútíns“ er ekkert ljúfmenni miðað við það sem hefur komið fram í fjölmiðlum eftir að Rússar réðust inn í Úkraínu. Hann stýrir Wagner Group harðri hendi en málaliðar fyrirtækisins hafi látið að sér kveða víða um heim í gegnum árin. Hafa rússnesk stjórnvöld notað þá erlendis til að reyna að villa um fyrir fólki og geta hafnað því að þau eigi nokkurn hlut að máli. Hafa málaliðarnir verið sakaðir um mikla grimmd og mannréttindabrot þar sem þeir hafa látið að sér kveða. Það á einnig við í Úkraínu þar sem þeir berjast við hlið rússneska hersins.

Nú hefur enn ein sagan um grimmd Prigozhin ratað í fjölmiðla. The Telegraph segir að hann sé sagður hafa látið ganga svo hrottalega í skrokk á kokki á einum þeirra veitingastaða, sem hann á, að kokkurinn þurfti að liggja á sjúkrahúsi í tvo mánuði. Ástæðan fyrir ofbeldinu? Jú, hún var að sögn sú að viðskiptavinur veitingastaðarins kvartaði yfir gæðum tómata sem voru voru bornir á borð fyrir hann.

Fyrrum starfsmaður Concord Catering sagði Society tímaritinu að þegar gesturinn hafi sent matinn aftur í eldhúsið vegna óánægju með tómatana hafi „kokkurinn verið færður niður í kjallara og barinn svo hrottalega að hann þurfti að liggja á sjúkrahúsi í tvo mánuði“.

Ekki er vitað hvenær þetta á að hafa gerst.

Heimildarmaðurinn sagðist einnig hafa séð starfsfólk, sem var sakað um þjófnað, tekið og flutt út í skóg þar sem það var barið.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 22 klukkutímum

Stóra kókaínmálið: Páli timbursala fannst þetta spennandi og hann gat ekki sagt nei

Stóra kókaínmálið: Páli timbursala fannst þetta spennandi og hann gat ekki sagt nei
Fréttir
Fyrir 22 klukkutímum

Barðavogsmorðið: Enn er ekki komin dagsetning á réttarhöldin

Barðavogsmorðið: Enn er ekki komin dagsetning á réttarhöldin
Fréttir
Í gær

Martröð fyrir utan Hagkaup í Skeifunni – Vignir og Kristófer frelsissviptu og rændu par

Martröð fyrir utan Hagkaup í Skeifunni – Vignir og Kristófer frelsissviptu og rændu par
Fréttir
Í gær

Ætla að bæta Íslandshótelum allt það tjón sem hlýst af verkfallsaðgerðum Eflingar

Ætla að bæta Íslandshótelum allt það tjón sem hlýst af verkfallsaðgerðum Eflingar