Origo stóð fyrir viðburði í gær á Grand hótel þar sem rekstraraðilum var boðið á ráðstefnu með yfirskriftina: Stafrænar lausnir fyrir þinn rekstur. Á viðburðinum, sem var vel sóttur, var einnig sýningarsvæði þar sem snjallar lausnir og nýjungar fyrir vöruhús og verslanir voru kynntar sem auka skilvirkni, lækka kostnað og bæta yfirsýn á birgðahaldi.

Mikill áhugi var meðal gesta á sýningarsvæðinu þar sem hægt var að kynna sér allt það nýjasta í handtölvu- og prentlausnum frá Honeywell ásamt raddstýringu í birgðahaldi, rafræna hillumiða frá einum stærsta framleiðanda í heimi í skjátækni ásamt lifandi Vusion Rail verðmerkingum sem eru nýjasta kynslóð rafrænna hillumiða þar sem hægt er að sýna stafrænt markaðsefni meðfram vörulýsingum og verðupplýsingum.

Dagskráin á ráðstefnunni samanstóð af áhugaverðum og fróðlegum erindum frá fjórum erlendum sérfræðingum innan geirans en Máni Arnarson hélt vel utan um gesti sem fundarstjóri.

Ib Headley-Blythe, framkvæmdastjóri stefnumótunar hjá Honeywell, fjallaði um aukningu í skorti á vinnuafli og vandann sem rekstraraðilar standa frammi fyrir þegar eftirspurn eykst í verslunum. Hann fjallaði um að nýta tæknina til að einfalda ferðalag vörunnar og knýja fram úkomu með handtölvu- og prentlausnum.

Kimmo Yli-Kokko, svæðisstjóri Norður- og Eystrasaltslanda hjá Honeywell Voice Solutions, talaði um lausnir í raddstýringu á lager og vöruhúsum, nákvæmni þeirra og öryggi sem lausnin veitir með handfrjálsum og augnfrjálsum búnaði fyrir starfsfólk.

Fyrirlesarinn Lennart Diago, viðskiptaþróunarstjóri í Norður- og Eystrasaltslöndum hjá SES-imagotag var með erindi um upplifun viðskiptavina í verslunum með upplýsingar og markaðsefni á rafrænum hillumiðum og nýju byltingarkenndu lífandi hillumiðana þar sem er hægt að notast við skapandi markaðssetningu ásamt því að auka vörumerkjavitund.

Að lokum fjallaði Martina Nilson, framkvæmdastjóri viðskiptaþróunar og sérfræðingur snjallboxa hjá Strongpoint um hagkvæmi og tímasparnað með snjallboxum.