Þegar hann kynnti tolla sína, sem hann lagði á nær öll ríki heims, til sögunnar í byrjun apríl hafði hann bifvélavirkja, sem er farinn á eftirlaun, með sér og hrósaði sá stefnu Trump til skýjanna.
Derek Beach, sérfræðingur í bandarískum stjórnmálum hjá stjórnmálafræðideild Árósaháskóla, sagði í samtali við B.T. að popúlistaaðgerðir Trump af þessu tagi séu næstum því á „norðurkóresku stigi“.
„Allt varðandi stefnu hans á að virðast vera einstakt. Forsetinn er lofsamaður á næstum fáránlegu stigi og þetta minnir einna helst á eitthvað úr raunveruleikasjónvarpsþáttum,“ sagði Beach.
Hann sagði erfitt að segja til um hvort þetta virki eða ekki. Það sé háð því hvort fólk horfi á hann út frá sjónarhóli Repúblikana eða Demókrata.
Hann sagðist telja að sérstök ástæða búi að baki því að Trump sé í vaxandi mæli farinn að tengja andlit og einstaklinga við stefnu sína: „Hann vill mynda tengingu við almenning en það fellur vel að hugsjón hans um að pólitísk stefna hans verði að alþýðuhreyfingu.“
Hann sagði einnig að auk þess að falla vel að pólitískri hugmyndafræði Trump um trygga og trúa alþýðuhreyfingu, þá geti þess tenging við almenna borgara tengst persónuleika Trump: „Sérstakur eiginleiki Trump er að hann getur sett upp góða sýningu. Þegar fólk kemur upp á sviðið eða þegar hann bendir á áhorfendur og virðist vera einhver sem þekkir fólkið persónulega, þá er það gert til skemmtunar.“
