fbpx
Föstudagur 17.október 2025
Fréttir

Segir að þýskir skriðdrekar geti orðið vendipunkturinn í stríðinu í Úkraínu

Kristján Kristjánsson
Fimmtudaginn 12. janúar 2023 19:45

Þýskir Leopard 2 skriðdrekar. Mynd/Getty

Ekki missa af Helstu tíðindum dagsins í pósthólfið þitt

Lesa nánar

Úkraínumenn hafa lengi þrýst á vestræna bandamenn sína að senda þunga skriðdreka auka annarra vopna og skotfæra til landsins. Þeir hafa sérstaklega óskað eftir þýskum Leopard skriðdrekum en margir evrópskir herir ráða yfir slíkum skriðdrekum. Olof Scholz, kanslari Þýskalands, hefur ekki viljað verða við þessu en vaxandi þrýstingur er á hann, innanlands og utan, um að verða við þessu. Pólverjar tilkynntu í gær að þeir vilji láta Úkraínumönnum Leopardskriðdreka, sem þeir eiga, í té.

Margir sérfræðingar telja það aðeins tímaspursmál hvenær Úkraínumenn fá þunga skriðdreka frá Vesturlöndum og telja að það geti skipt miklu varðandi gang stríðsins.

Áhuga Úkraínumanna á Leopard skriðdrekunum má rekja til að þeir þykja mjög traustir, eru með góða brynvörn og öflug vopn. Þá er auðvelt að sinna viðhaldi á þeim því svo margir evrópskir herir eru með slíka skriðdreka.

Sky News segir að bretar séu að íhuga að senda Úkraínumönnum Challenger 2 skriðdreka sem eru einnig nútímalegir, þungir skriðdrekar.

Andrezj Duda, forseti Póllands, heimsótti Volodymyr Zelenskyy, forseta Úkraínu, í borginni Lviv í gær. Þá sagði Duda að Pólverjar vilji senda Leopard skriðdreka til Úkraínu „innan ramma alþjóðabandalagsins“. Þetta þýðir í raun að þýsk stjórnvöld verða að gefa grænt ljós á að Úkraína fái Leopard skriðdreka.

Palle Ydstebø, yfirlautinant við norska varnarmálaskólann, sagði í samtali við Norska ríkisútvarpið, að það sé mjög mikilvægt fyrir Úkraínu að geta stofnað fleiri herdeildir sem eru með vestræna skriðdreka og önnur nútímavopn. „Þetta gæti orðið vendipunkturinn í getu Úkraínumanna til að sækja fram,“ sagði hann og benti á að þetta myndi styrkja slagkraft úkraínska hersins mikið og verði miklu meiri en það sem Rússar geta teflt fram.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 9 klukkutímum

Sindri dæmdur fyrir tilraun til manndráps fyrir hnífstunguárás – Sagðist hafa beitt neyðarvörn eftir kynferðisárás

Sindri dæmdur fyrir tilraun til manndráps fyrir hnífstunguárás – Sagðist hafa beitt neyðarvörn eftir kynferðisárás
Fréttir
Fyrir 11 klukkutímum

Bubbi harðorður í garð ráðamanna: „Kannski er ég dramatískur en guð minn góður, þetta er satt“

Bubbi harðorður í garð ráðamanna: „Kannski er ég dramatískur en guð minn góður, þetta er satt“
Fréttir
Í gær

Berglindi ofbauð framkoma karlmanns í Nettó – „Nei það var ekki verið að taka upp Fóstbræður“

Berglindi ofbauð framkoma karlmanns í Nettó – „Nei það var ekki verið að taka upp Fóstbræður“
Fréttir
Í gær

Skagfirðingar uggandi og segja heilbrigðiseftirlitin missa 70 prósent verkefna sinna – Hafi verið lofað að fækka ekki störfum á landsbyggðinni

Skagfirðingar uggandi og segja heilbrigðiseftirlitin missa 70 prósent verkefna sinna – Hafi verið lofað að fækka ekki störfum á landsbyggðinni