Antony Blinken, utanríkisráðherra Bandaríkjanna, ræddi við fréttamann CBC News í gærkvöldi um stríðið í Úkraínu. Hann staðfesti að bandarísk yfirvöld hafi verið í sambandi við rússnesk yfirvöld og varað þau við að hefja kjarnorkustríð.

„Við höfum verið mjög skýr gagnvart Rússum, bæði opinberlega og í einkasamtölum. Þeir verða að að ræða um notkun kjarnorkuvopna,“ sagði Blinken.

„Það er mjög mikilvægt að stjórnvöld í Moskvu heyri frá okkur og viti að afleiðingarnar verða skelfilegar. Það höfum við gert þeim ljóst,“ sagði hann.

Hann sagði að notkun kjarnorkuvopna muni hafa skelfilegar afleiðingar fyrir landið sem notar þau og auðvitað fyrir marga aðra.