Ravil Maganov, forstjóri rússneska olíufélagsins Lukoil, er látinn eftir að hafa „dottið“ út um glugga á sjúkrahúsi. Lík hans fannst fyrir neðan gluggann í morgun.

Lukoil er næst stærsta rússneska olíufélagið. Áður en Vesturlönd gripu til refsiaðgerða gegn Rússum vegna innrásar þeirra í Úkraínu var fyrirtækið næst stærsta olíufélagið á hlutabréfamörkuðum heimsins.

Fljótlega eftir að Rússar réðust inn í Úkraínu bað félagið, sem er í einkaeign, um að stríðsrekstrinum yrði hætt.

Ekki liggur fyrir af hverju eða hvernig Maganov „datt“ út um gluggann.

Þetta er einn eitt dauðsfall háttsetts aðila í rússnesku viðskiptalífi á síðustu mánuðum en þeir hafa margir hverjir látist við mjög svo dularfullar kringumstæður og telja sumir að útsendarar Vladímír Pútíns, forseta, hafi átt aðkomu að málum.