Í janúar á síðasta ári réðust stuðningsmenn Trump á þinghúsið í Washington D.C. Þeirra á meðal voru liðsmenn samtaka á borð við Proud Boys og Oath Keepers en bæði samtökin eru samtök öfgahægrimanna.
Trump rak upp hávært vein vegna húsleitarinnar og stuðningsfólk hans tók við sér og beindi spjótum sínum að núverandi forseta og ríkisstjórn og raunar kerfinu öllu sem það segir vinna gegn Repúblikönum. Íhaldssamir fjölmiðlar hafa látið reiði sína í ljós og nokkrir af fyrrum starfsmönnum Trump og stjórnmálamenn honum hliðhollir segja að einhverskonar stríðsástand ríki í kjölfar húsleitarinnar. New York Times skýrir frá þessu. Í því sambandi má velta fyrir sér hvort árás stuðningsmanns Trump á skrifstofu FBI i Ohio í gær tengist þessu.
Vopnaður maður reyndi að ryðjast inn á skrifstofur FBI í Ohio – Skotinn til bana
Merrick Garland, dómsmálaráðherra, sagði á fréttamannafundi í gær að hann hefði samþykkt að FBI færi fram á húsleitarheimild hjá Trump. Hann sagði að vegna þess hversu umtalað málið sé hafi hann beðið dómstól um heimild til að gera húsleitarheimildina opinbera.
Segja að FBI hafi leitað að leynilegum skjölum um kjarnorkuvopn heima hjá Trump
CNN segir að nú sé málið í höndum Trump, það er að segja hvað varðar að gera húsleitarheimildina opinbera. Dómstóllinn, sem er með málið á sinni könnu, hefur gefið dómsmálaráðuneytinu fyrirmæli um að ráðfæra sig við Trump varðandi það hvort heimildin verði gerð opinber. Ef hann er á móti því verður hann að tilkynna dómstólnum það í síðasta lagi klukkan 21 í kvöld.
Segja sérfræðingar að nú sé þrýstingurinn á Trump.
