fbpx
Þriðjudagur 16.ágúst 2022
Fréttir

Skortur á að Icelandair hafi upplýst farþega um allan rétt sinn

Ritstjórn DV
Fimmtudaginn 30. júní 2022 15:35

Ekki missa af Helstu tíðindum dagsins í pósthólfið þitt

Lesa nánar

Í ljósi niðurfellingar flugs Icelandair innanlands í dag, lýsa Neytendasamtökin vonbrigðum með þann fjölda raskana sem orðið hafa á innanlandsflugi það sem af er ári, en fagna því að flugfélagið hafi brugðist við stöðunni með því að bjóða upp á þotuflug. Þetta kemur fram í tilkynningu frá Neytendasamtökunum.

Neytendasamtökin benda þó á að verulega skortir á að í tilkynningu Icelandair sé allur réttur farþega tilgreindur. Að mati samtakanna er afar líklegt að farþegar sem hafa orðið fyrir töf sem nemur meira en þremur klukkustundum eigi kröfu um greiðslu staðlaðra skaðabóta að upphæð €250. Hér eru upplýsingar um hvernig sækja megi um skaðabæturnar.

Vissulega gæti Icelandair borið því við að ástæður raskananna séu óviðráðanlegar og þær þar af leiðandi ekki skaðabótaskyldar. Sé það afstaða Icelandair, er það samt sem áður réttur farþega að Samgöngustofa skeri úr um hvort aðstæður hafi verið viðráðanlegar eða ekki. Neytendasamtökin telja mikilvægt að farþegar séu upplýstir um allan rétt sinn eins og kveður á um í 4. gr. reglugerðar 1048/2012 um skaðabætur og aðstoð til handa farþegum og hvetja Icelandair til að bæta upplýsingagjöf sína og upplýsa farþega sína um allan rétt sem þeir kunna að eiga.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 4 dögum

Perla klessti á bíl í Skeifunni – „Englar í mannsmynd!“

Perla klessti á bíl í Skeifunni – „Englar í mannsmynd!“
Fréttir
Fyrir 4 dögum

Síbrotamaður á Akureyri úrskurðaður í gæsluvarðhald grunaður um 22 brot

Síbrotamaður á Akureyri úrskurðaður í gæsluvarðhald grunaður um 22 brot