fbpx
Föstudagur 19.ágúst 2022
Fréttir

Aðalheiður vekur athygli á djammvanda sem blasir við Íslendingum

Guðrún Ósk Guðjónsdóttir
Miðvikudaginn 29. júní 2022 11:30

Ekki missa af Helstu tíðindum dagsins í pósthólfið þitt

Lesa nánar

Aðalheiður Ámundadóttir fréttastjóri segir að það þurfi að setja „samgönguvandamál næturlífsins í algjöran forgang og finna á því lausn“ í leiðara Fréttablaðsins í dag.

Hún vekur athygli á þessu vandamáli – sem margir Íslendingar hafa kvartað yfir – að það sé erfitt að komast til síns heima eftir djammið í miðbæ Reykjavíkur.

„[Það] fylgja því margvíslegar hættur að stór hópur fólks sitji fastur einhvers staðar um miðjar nætur gegn vilja sínum. Fólk tekur til eigin ráða og sest ölvað undir stýri eða upp í bíla með ókunnugum. Þau sem kjósa að ráfa heim á leið fótgangandi geta átt á hættu að deyja úr kulda en hætta á því eykst verulega í ölvunarástandi á vetranóttum. Þá er stöðug ófriðarhætta yfirvofandi meðal þeirra sem hanga saman í röðinni, mun lengur en þau hafa þol til.“

Aðalheiður segir að það komi sér á óvart hve litlum forgangi málið hefur verið af hálfu yfirvalda. „Og jafnvel hve erfitt hefur reynst að fá það viðurkennt. Þegar Fréttablaðið kannaði málið snemma í vor vildi lögreglan ekki kannast við að hörgull væri á leigubílum. Næturröðin í Lækjargötunni væri ekkert lengri en venjulega,“ segir hún.

„Myndirnar af Birnu Brjánsdóttur að ganga upp Laugaveginn í janúarkuldanum árið 2017 eru greiptar inn í huga okkar allra. Örlög hennar settu af stað háværar kröfur um aukið myndavélaeftirlit í miðborginni en ættu líka að vera áminning um hve mikilvægt er að veita unga fólkinu sem skemmtir sér í miðborginni góða þjónustu og öruggar samgöngur.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Ökumaður rafmagnshlaupahjóls grunaður um að hafa verið undir áhrifum – Meiddist töluvert þegar hún féll af rafmagnshlaupahjóli

Ökumaður rafmagnshlaupahjóls grunaður um að hafa verið undir áhrifum – Meiddist töluvert þegar hún féll af rafmagnshlaupahjóli
Fréttir
Fyrir 2 dögum

Var misnotaður af eldri bróður sínum – „Lögreglan var aldrei að vinna með okkur, heldur alltaf að vinna á móti okkur.“ 

Var misnotaður af eldri bróður sínum – „Lögreglan var aldrei að vinna með okkur, heldur alltaf að vinna á móti okkur.“