fbpx
Þriðjudagur 29.nóvember 2022
Fréttir

Anonymous sendir Pútín skilaboð – „Bráðum muntu finna fyrir öllum mætti hakkara heimsins“

Máni Snær Þorláksson
Sunnudaginn 27. febrúar 2022 12:31

Myndin er samsett.

Ekki missa af Helstu tíðindum dagsins í pósthólfið þitt

Lesa nánar

Hakkarahópurinn Anonymous birti í nótt myndbandsskilaboð sem stíluð eru á Vladimir Pútín, forseta Rússlands. Í myndbandinu er Pútín harðlega gagnrýndur fyrir innrásina í Úkraínu en auk þess hótar hópurinn miklum og hörðum aðgerðum gegn Rússlandi.

„Herra Pútín. Innrásin í Úkraínu hefur sýnt að ríkisstjórnin þín ber enga virðingu fyrir mannréttindum eða sjálfsákvörðunarrétti nágranna þinna,“ segir grímuklæddur maður á vegum Anonymous í upphafi myndbandsins.

Grímuklæddi maðurinn fer þá yfir stöðuna í Úkraínu og bendir til að mynda á að óbreyttir borgarar hafi fallið vegna í kjölfar innrásarinnar. „Saklaust fólk hefur látið lífið,“ segir maðurinn. „Flóttafólk flýr ofbeldið og fjöldi fólks er neyddur til að skrá sig í herinn af úkraínskum foringjum. Þetta er ljótt ástand á alla vegu en þú ert sá sem byrjaðir þetta.“

Þá talar grímuklæddi maðurinn um gagnrýni Pútín á Bandaríkin og Atlantshafsbandalagið fyrir herbrölt þeirra í Miðausturlöndum. „Það er svo sannarlega sanngjörn gagnrýni en þú hefur sýnt að þú ert ekkert betri en heimsvaldastefnuríkisstjórnirnar sem þú gagnrýnir og allur heimurinn sér í gegnum áróðurinn þinn.“

Undir lok myndbandsins koma beinar hótanir frá hakkarahópnum. „Ef þú heldur áfram á þessari vegferð muntu halda áfram að missa stuðning frá íbúum Rússlands, önnur lönd munu þvertaka fyrir að vinna með þér og þú munt verða fyrir fordæmalausum tölvuárásum frá öllum heimshornum,“ segir grímuklæddi maðurinn.

Búið er að ráðast á nokkrar opinberar vefsíður Rússlands á undanförnum dögum en í myndbandinu kemur fram að það sé aðeins byrjunin. „Bráðum muntu finna fyrir öllum mætti hakkara heimsins.“

Myndbandið má sjá hér fyrir neðan:

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Þórólfur leitar réttlætis fyrir bróður sinn sem lést – „Þetta fólk þarf bara að þora að opna munninn og setja sig í samband við mig“

Þórólfur leitar réttlætis fyrir bróður sinn sem lést – „Þetta fólk þarf bara að þora að opna munninn og setja sig í samband við mig“
Fréttir
Í gær

Karlmaður skotinn til bana í Osló í nótt

Karlmaður skotinn til bana í Osló í nótt
Fréttir
Fyrir 2 dögum

Kristján Einar segir íslenska fjölmiðla hafa hótað sér – „Ég skipti engu máli, þeir vildu bara fá fréttina“

Kristján Einar segir íslenska fjölmiðla hafa hótað sér – „Ég skipti engu máli, þeir vildu bara fá fréttina“
Fréttir
Fyrir 3 dögum

Földu lík barnsins síns í plastboxi í þrjú ár

Földu lík barnsins síns í plastboxi í þrjú ár
Fréttir
Fyrir 3 dögum

Karl hvetur seðlabankastjóra og peningastefnunefnd til að fara að nota heilann

Karl hvetur seðlabankastjóra og peningastefnunefnd til að fara að nota heilann
Fréttir
Fyrir 3 dögum

Sérfræðingar í vetrarstríði senda Úkraínu stóra hjálparpakka

Sérfræðingar í vetrarstríði senda Úkraínu stóra hjálparpakka