Á áttunda tímanum í gær var maður, sem var í annarlegu ástandi, handtekinn í Háaleitis- og Bústaðahverfi eftir ítrekuð afskipti lögreglunnar af honum. Hann fór ekki að fyrirmælum lögreglunnar og er grunaður um brot á lögreglusamþykkt. Hann var vistaður í fangageymslu.

Þrír menn voru handtekin í Miðborginni og Hlíðahverfi í gærkvöldi. Þeir eru grunaðir um vörslu/sölu fíkniefna. Allir voru þeir vistaðir í fangageymslu vegna rannsóknar málanna.

Skömmu eftir miðnætti slasaðist erlendur ferðamaður á hné þegar hann datt af rafhlaupahjóli. Hann var fluttur með sjúkrabifreið á bráðadeild.

Fimm ökumenn voru handteknir í gærkvöldi og nótt, grunaðir um að vera undir áhrifum áfengis og/eða fíkniefna.