fbpx
Fimmtudagur 08.desember 2022
Fréttir

Rússneskir nýliðar neita að hlýða – „Við höfum allir verið blekktir“

Kristján Kristjánsson
Þriðjudaginn 8. nóvember 2022 05:57

Hermennirnir mótmæltu í síðustu viku. Skjáskot/Twitter

Ekki missa af Helstu tíðindum dagsins í pósthólfið þitt

Lesa nánar

Ef ungir rússar eiga að fara til Úkraínu að berjast í stríði Pútíns þá vilja þeir frá greitt fyrir það. Þetta er boðskapur margra þeirra ungu manna sem hafa gengið til liðs við herinn að undanförnu. Þeir hafa gripið til þess ráðs að fara í verkfall þar sem þeir hafa ekki fengið greidd laun.

Á síðustu dögum hafa margar upptökur birst frá Uljanovsk, sem er um 650 km austan við Moskvu, þar sem nýir hermenn kvarta hástöfum yfir að hafa ekki fengið greitt og er ekki annað að sjá en þeir hafi gripið til mótmælaaðgerða í herstöðinni sinni.

Á upptöku frá Telegramrásinni ChuvashiaDream sjást hermennirnir ræða hástöfum við foringjann sinn. „Ég kom alla leið frá Moskvu til heimabæjar míns til að skrá mig í herinn með vinum mínum af því að föðurlandið og forsetinn þörfnuðust okkar,“ segir einn hermannanna.

„Herforinginn sagði mér að eftir tvo til þrjá daga myndum við fá eingreiðslu upp á 300.000 rúblur,“ segir hann síðan.

En þarna grípur liðsforingi, kona, inn í og segir: „Það gerðist ekki.“

Þá hrópar hermaðurinn: „Víst, það gerðist víst.“

Þá segir liðsforinginn að þetta hafi einungis verið lagafrumvarp sem var ekki samþykkt: „Strákar, skiljið nú að ég lofaði ykkur ekki 300.000.“

Annar hermaður tekur þá til máls og segir: „Við höfum allir verið blekktir, þannig er það.“

Upphæðin sem um ræðir svarar til rúmlega 700.000 íslenskra króna en það eru miklir peningar fyrir almenna Rússa sem hafa margir hverjir aðeins sem svarar til um 135.000 íslenskra króna í mánaðarlaun.

Önnur upptaka frá sömu herstöð sýnir að sögn sömu hermenn mótmæla hástöfum í herstöðinni aðfaranótt 2. nóvember.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Engar áætlanir til um björgun ef skemmtiferðaskip lendir í vanda hér við land

Engar áætlanir til um björgun ef skemmtiferðaskip lendir í vanda hér við land
Fréttir
Í gær

Pútín ók sigurreifur yfir brúna sína en var niðurlægður af litlum drónum

Pútín ók sigurreifur yfir brúna sína en var niðurlægður af litlum drónum
Fréttir
Fyrir 2 dögum

Sprenging heyrðist langt inni í Rússlandi – Síðan kom torrætt úkraínskt tíst

Sprenging heyrðist langt inni í Rússlandi – Síðan kom torrætt úkraínskt tíst
Fréttir
Fyrir 2 dögum

Búðarþjófur hrækti í andlit afgreiðslumanns

Búðarþjófur hrækti í andlit afgreiðslumanns