Klukkan 23 voru þrír menn handteknir í Hlíðahverfi. Þeir eru grunaðir um vörslu fíkniefna, hylmingu, brot á vopnalögum og fleira. Þeir voru vistaðir í fangageymslu. Hald var lagt á ætluð fíkniefni, vopn og þýfi.
Um miðnætti var maður handtekinn í Miðborginni en hann er grunaður um vörslu/sölu fíkniefna. Var hann að selja öðrum fíkniefna er lögreglan hafði afskipti af þeim. Maðurinn var vistaður í fangageymslu. Kaupandinn slapp ekki við afskipti lögreglunnar og verður hann kærður fyrir vörslu fíkniefna.
Klukkan eitt í nótt voru þrír menn handteknir í Miðborginni en þeir eru grunaðir um vörslu/sölu fíkniefna. Þeir voru vistaðir í fangageymslu.
Í Kópavogi voru tveir menn handteknir í sitt hvoru málinu í gærkvöldi. Þeir eru báðir grunaðir um vörslu/sölu fíkniefna. Annar var vistaður í fangageymslu en hinn var látinn laus að skýrslutöku lokinni.
Í Breiðholti og Miðborginni voru afskipti höfð af tveimur mönnum síðdegis í gær en þeir eru grunaðir um vörslu fíkniefna. Málin voru afgreidd á vettvangi.
Á fyrsta tímanum í nótt gáfu lögreglumenn ökumanni merki um að stöðva aksturinn þar sem hann ók í Hlíðahverfi. Ók ökumaðurinn þá á umferðarskilti. Hann er grunaður um ölvun við akstur. Áður hafði verið tilkynnt um rásandi aksturslag ökumanns og akstur á móti umferð.
Þrír ökumenn voru handteknir í gærkvöldi og nótt, grunaðir um að vera undir áhrifum áfengis og/eða fíkniefna. Einn þeirra er grunaður um vörslu fíkniefna og annar reyndist vera sviptur ökuréttindum.
Þrír ökumenn voru kærðir fyrir að aka bifreið án þess að hafa tilskilin ökuréttindi. Einn þeirra var handtekinn því hann var eftirlýstur vegna rannsóknar máls. Hann var vistaður í fangageymslu.
