Talsmaður úkraínska varnarmálaráðuneytisins segir að rúmlega 2.000 rússneskir hermenn hafi að eigin frumkvæði gefist upp á síðustu vikum. Þeir eru sagðir hafa hringt í sérstakt símanúmer sem nefnist „Ég vil lifa“.

Euromaidan Press skýrir frá þessu. Rússneskir hermenn og fjölskyldur þeirra geta hringt í númerið allan sólarhringinn, óháð því hvort þeir berjast í Úkraínu eða eru í Rússlandi, og lýst yfir uppgjöf sinni.

Talsmaðurinn, Andij Yusov, sagði að hringingum hafi fjölgað mikið í kjölfar árangursríkrar sóknar úkraínska hersins í Kherson og tilkynningar Vladímír Pútíns, Rússlandsforseta, um herkvaðningu.