fbpx
Mánudagur 22.júlí 2024
Fréttir

Pólverjar íhuga að reisa múr á landamærunum að Rússlandi

Kristján Kristjánsson
Miðvikudaginn 26. október 2022 20:00

Hluti af girðingunni á milli Póllands og Hvíta-Rússlands. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Pólverjar íhuga nú að reisa múr á landamærunum að Rússlandi til að koma í veg fyrir að förufólk og flóttafólk frá Afríku og Asíu komist til landsins frá Rússlandi. Telja pólsk yfirvöld að Rússar geti gripið til þess ráðs að beina förufólki og flóttafólki til Póllands og væri það liður í blendningshernaði þeirra gegn Vesturlöndum. Múrinn, eða girðingin, yrði um 200 km langur og búinn hreyfiskynjurum og myndavélum. Rússar segja „heimsku“ að reisa slíkan múr.

Sky News skýrir frá þessu og segir að samhliða vaxandi spennu vegna stríðsins í Úkraínu óttist Pólverjar að atburðirnir frá 2021 endurtaki sig en þá reyndu mörg þúsund manns frá Afríku og Miðausturlöndum að komast til Póllands frá Hvíta-Rússlandi. Nokkrir létust þegar þeir reyndu að komast yfir landamærin sem Pólverjar vörðu af hörku. Fáum dylst að stjórnvöld í Hvíta-Rússlandi stóðu á bak við straum fólksins að landamærunum.

Sky News segir að Krzysztof Sobolewski, pólskur embættismaður og aðalritari stjórnarflokksins Lög og regla, segi að nú sé verið að íhuga að reisa múr á landamærunum að Kalíningrad eins og gert var á landamærunum að Hvíta-Rússlandi.

Kaliningrad hefur opnað á komur flugvéla frá Miðausturlöndum og Asíu, að sögn til að reyna að lokka fleiri ferðamenn til héraðsins. Það er rússneskt en aðskilið frá meginlandi Rússlands.

Dmitry Peskov, talsmaður ráðamanna í Kreml, sagði hugmyndina um að reisa múr á landamærum Póllands og Kaliningrad vera „heimskulega“. „Sagan sannar að það eru alltaf heimskulegar ákvarðanir að reisa múr, því eftir ár eða áratugi hrynja allir múrar,“ sagði hann.

Pólverjar reistu 5,5 metra háa stálgirðingu á landamærunum að Hvíta-Rússlandi eftir atburðina þar 2021. Hún er búin hreyfiskynjurum og myndavélum og er um 187 km að lengd.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 22 klukkutímum

Gestrisni Íslendinga kom spænsku pari gríðarlega á óvart – „Þetta fólk þekkti okkur ekki neitt“

Gestrisni Íslendinga kom spænsku pari gríðarlega á óvart – „Þetta fólk þekkti okkur ekki neitt“
Fréttir
Fyrir 3 dögum

Nuddarinn Guðbjartur sýknaður að beiðni saksóknara – Konan hafi reynt við hann og kært svo til lögreglu eftir að hann hafnaði henni og sleit meðferðarsambandinu

Nuddarinn Guðbjartur sýknaður að beiðni saksóknara – Konan hafi reynt við hann og kært svo til lögreglu eftir að hann hafnaði henni og sleit meðferðarsambandinu
Fréttir
Fyrir 3 dögum

Neyðarleg rangfærsla á versta tíma og ráðuneytið svarar ekki spurningum um málið

Neyðarleg rangfærsla á versta tíma og ráðuneytið svarar ekki spurningum um málið