Staðan í hálfleik í leik Íslands og Noregs er 16:12 fyrir Noreg. Heldur meira bensín virðist á tankinum á Norðmönnum sem hafa nýtt færi sín betur. Íslendingar hafa farið mjög illa með mörg færi, til dæmis hafa tvö víti verið varin. Önnur góð færi hafa einnig farið forgörðum.

Íslenska liðið þarf að ná vopnum sínum í seinni hálfleik til að snúa leiknum við en við erum vissulega enn inni í þessum leik.

Viktor Gísli Hallgrímsson markvörður hefur verið besti maður liðsins í fyrri hálfleik og varið sjö skot.

Bjarki Már Elíasson, Janus Daði Smárason og Ómar Ingi Magnússon hafa allir skorað þrjú mörk hver.