Skömmu fyrir miðnætti var tilkynnt um mann með hníf í íbúð í Kópavogi. Lögreglan fór á vettvang og er málið í rannsókn.

Þetta kemur fram í tilkynningu frá lögreglunni á höfuðborgarsvæðinu. Annars var frekar rólegt í gærkvöldi og nótt á varðsvæðinu.

Helst bar til tíðinda að tilkynnt var um vælandi kött í Háaleitishverfi. Eigandinn var ekki heima en kötturinn var í góðum gír að því er segir í tilkynningu lögreglunnar.

Einn ökumaður var handtekinn í nótt grunaður um ölvun við akstur.