fbpx
Sunnudagur 29.maí 2022
Fréttir

Innbrot, eldsvoðar og tjón af völdum flugelda

Kristján Kristjánsson
Laugardaginn 1. janúar 2022 10:10

mynd/Eyþór

Ekki missa af Helstu tíðindum dagsins í pósthólfið þitt

Lesa nánar

Á tíunda tímanum í gærkvöldi var tilkynnt um innbrot í verslun á Laugavegi. Þar hafði rúða verið brotin og þremur úlpum stolið. Málið er í rannsókn. Um klukkustund síðar var tilkynnt um innbrot í verslun í Mörkinni. Málið er i rannsókn. Klukkan hálf sjö var tilkynnt um yfirstandandi innbrot í verslun í Mörkinni. Gerandinn reyndi að forða sér á hlaupum þegar hann varð lögreglunnar var en það tókst ekki því lögreglumenn náðu honum eftir skamma stund. Hann var vistaður í fangageymslu.

Um klukkan hálf eitt í nótt kom húsráðandi að manni sem var búinn að brjóta rúðu í íbúð hans og var kominn hálfur inn. Gerandinn forðaði sér á hlaupum. Málið er í rannsókn.

Á öðrum tímanum í nótt var tilkynnt um mann sem væri að sparka upp hurð hjá nágranna sínum í Hlíðahverfi. Maðurinn reyndist vera ofurölvi og hafði farið húsvillt. Hann var fluttur á lögreglustöð til viðræðna og var síðan látinn laus.

Nokkrar tilkynningar bárust um eldsvoða í gærkvöldi og nótt, það er að segja annað en gróðurelda.

Skömmu fyrir miðnætti var tilkynnt um eld í þaki á fjölbýlishúsi í Hlíðahverfi. Íbúar réðu niðurlögum eldsins. Þegar tuttugu mínútur voru liðnar af nýja árinu var tilkynnt um eld í þaki grunnskóla í Hlíðahverfi. Slökkvilið og lögregla fóru á vettvang.

Um klukkan þrjú var tilkynnt um sinueld á þaki íbúðarhúss í Háaleitis- og Bústaðahverfi. Eldurinn var dauður þegar viðbragðsaðilar komu á vettvang.

Á níunda tímanum í gærkvöldi fór flugeldur inn um glugga á íbúðarhúsnæði í Hafnarfirði. Eignatjón hlaust af. Um miðnætti fór flugeldur inn um glugga á íbúðarhúsnæði í Hafnarfirði. Eldur kviknaði og tjón hlaust af innanhúss. Enginn var heima þegar þetta gerðist.

Klukkan 00.22 var tilkynnt um eld í íbúð í Kópavogi. Slökkvistarf gekk vel og réði slökkvilið niðurlögum eldsins.

Klukkan 01.36 var tilkynnt um eld á svölum í fjölbýlishúsi í Breiðholti. Tvær íbúðir skemmdust.

Í Kópavogi fór flugeldur inn um glugga á skóla í nótt.

Klukkan 00.23 var tilkynnt um eld í þaki íbúðarhúsnæðis í Grafarvogi. Töluvert tjón varð á þakinu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Segir þroskaskertan mann hljóta eilífðarfangelsi

Segir þroskaskertan mann hljóta eilífðarfangelsi
Fréttir
Fyrir 2 dögum

Rússar sagðir leggja allt í sölurnar til að ná Luhansk

Rússar sagðir leggja allt í sölurnar til að ná Luhansk
Fréttir
Fyrir 3 dögum

Bryndís segir matsmann gera henni upp „falskar minningar“ um ofbeldi og vænir hana um lyfjaneyslu – Fimmta kvörtunin af tíu

Bryndís segir matsmann gera henni upp „falskar minningar“ um ofbeldi og vænir hana um lyfjaneyslu – Fimmta kvörtunin af tíu
Fréttir
Fyrir 3 dögum

Bandaríkjastjórn íhugar að senda sérsveitarmenn til Úkraínu

Bandaríkjastjórn íhugar að senda sérsveitarmenn til Úkraínu
Fréttir
Fyrir 3 dögum

Fyrrverandi besti vinur tónlistarmannsins sem sýknaður var í gær segir hann hafa nauðgað konunni sinni – „Ótrúlegt hvað einn einstaklingur getur skemmt út frá sér“

Fyrrverandi besti vinur tónlistarmannsins sem sýknaður var í gær segir hann hafa nauðgað konunni sinni – „Ótrúlegt hvað einn einstaklingur getur skemmt út frá sér“
Fréttir
Fyrir 3 dögum

Ákærður fyrir að reyna að koma fölsuðum peningaseðlum í umferð

Ákærður fyrir að reyna að koma fölsuðum peningaseðlum í umferð