Mörg mál er varða nauðganir og önnur kynferðisbrot liggja óhreyfð, bæði hjá rannsakendum og ákærendum, í allt að ár. Málsmeðferðartími kynferðisbrota hefur lengst á undanförnum árum og er mannekla hjá lögreglu og ákærendum sögð helsta ástæðan.

Morgunblaðið skýrir frá þessu í dag og segir að þetta komi fram í nýrri skýrslu starfshóps um málsmeðferðarstíma kynferðisbrotamála. Ríkissaksóknari skipaði starfshópinn í upphafi árs.

Í skýrslunni kemur fram að meðalafgreiðslutími nauðgunarmála hjá lögreglu hafi verið 413 dagar að meðaltali 2021 og hafi lengst um 77% frá 2016. Sama staða er uppi hvað varðar kynferðisbrotamál í heild.

Frá 2016 hefur þeim fjölgað um 33% og lýkur afgreiðslu þeirra að meðaltali á 253 dögum.

Málin liggja oft óhreyfð í ár eða lengur hjá rannsóknardeild þar sem lögreglumenn komast ekki til að sinna þeim.

Nánar ef fjallað um málið í Morgunblaðinu í dag.