fbpx
Fimmtudagur 18.september 2025
Fréttir

Skúli svarar Óttari – Segist hvorki vera gjaldþrota né auðmaður

Kristján Kristjánsson
Þriðjudaginn 16. ágúst 2022 08:00

Skúli Mogensen. Mynd: Ernir

Ekki missa af Helstu tíðindum dagsins í pósthólfið þitt

Lesa nánar

Skúli Mogensen, stofnandi WOW, skrifar grein í Fréttablaðið í dag þar sem hann svarar skrifum Óttars Guðmundssonar, geðlæknis í Fréttablaðinu um helgina. Óttar furðaði sig á að Bjarni Benediktsson, fjármálaráðherra, og tveir aðrir ráðherrar hefðu verið við opnum nýrra sjóbaða Skúla í Hvammsvík nýverið.

„Skúli setti flug­­fé­lagið WOW glæsi­­lega á hausinn í árs­byrjun 2019. Fé­lagið var um­­vafið skuldum eins og skrattinn skömmunum. At­vinnu­lífið á Suður­­nesjum var slegið í rot og ríkis­­sjóður tapaði milljörðum. Or­­sakir gjald­­þrotsins má rekja til ýmiss konar mis­­taka í stjórn og rekstri þessa lág­­gjalda­flug­­fé­lags. Þar var aðal­­­lega við Skúla að sakast sem hagaði sér alltaf eins og sjálf­miðað barn í hlut­­verka­­leik,“ skrifaði Óttar meðal annars.

Skúli segir að grein Óttars sé svo full af rangfærslum og dylgjum að hann eigi erfitt með að svara henni ekki þótt hann hafi ekki lagt í vana sinn að svara misgáfulegum skrifum um WOW air og hann sjálfan. Segir hann að boðskapurinn í skrifum Óttars, sem sé fjölmiðlamaður og geðlæknir, sé fyrir neðan allar hellur.

„Aðalinntak greinar þinnar virðist vera að ráðherrar hafi gert stórkostleg mistök með því að koma í opnun á Sjóböðunum í Hvammsvík þar sem ég, samkvæmt þinni skilgreiningu, er gjaldþrota auðmaður og hvernig dettur þeim í hug að sýna sig með slíkum manni? Hér eru sem sagt skilaboðin þau að ef einhverjum mistekst þrátt fyrir að hafa átt farsælan feril þá ber að hafna viðkomandi, setja til hliðar og útskúfa,“ segir Skúli og spyr hvort hann hafi átt að gefast upp og leggjast í kör? „Ég vona svo sannarlega að þetta séu ekki ráðin sem þú gefur þínum skjólstæðingum,“ segir hann síðan.

Hann segir því næst að hann sé hvorki gjaldþrota né auðmaður, enda sé illmögulegt að vera hvort tveggja í senn.

Hann rekur síðan nokkur dæmi frá viðskiptaferli sínum og hrósar happi yfir að hafa unnið með frábæru fólki og komið að uppbyggingu tuga fyrirtækja.

Hann skorar síðan á Óttar að lesa grein eftir Egil Almar Ágústsson, Hagsmunir flugfélaga og samfélagsins, sem var birt í Viðskiptablaðinu í maí 2021 til að fræðast nánar um þau áhrif sem WOW hafði á íslenskt efnahags- og atvinnulíf: „. . . þar ályktar hann að fjárfesting mín í WOW air hafi verið besta fjárfesting Íslandssögunnar fyrir alla nema mig.“

Grein Skúla er hægt að lesa í Fréttablaðinu í dag.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 22 klukkutímum

Þættir um íslenskt grín fengu enga endurgreiðslu – Skýringar á því voru ófullnægjandi

Þættir um íslenskt grín fengu enga endurgreiðslu – Skýringar á því voru ófullnægjandi
Fréttir
Fyrir 23 klukkutímum

Sæþór segir að Sanna sé ekki vinsæl innan Sósíalistaflokksins – „Ekki hægt að hafa fulltrúa sem vinnur ekki með flokknum“

Sæþór segir að Sanna sé ekki vinsæl innan Sósíalistaflokksins – „Ekki hægt að hafa fulltrúa sem vinnur ekki með flokknum“
Fréttir
Í gær

Borgarfulltrúi Framsóknar segir að krafan um bílastæði sé eðlileg – „Reykjavík er ekki Kaupmannahöfn eða Osló“

Borgarfulltrúi Framsóknar segir að krafan um bílastæði sé eðlileg – „Reykjavík er ekki Kaupmannahöfn eða Osló“
Fréttir
Í gær

Uppnám í Hafnarfirði – Félagi eldri borgara úthýst um næstu áramót

Uppnám í Hafnarfirði – Félagi eldri borgara úthýst um næstu áramót
Fréttir
Í gær

Fékk neitun um ríkisborgararétt vegna 10 þúsund króna

Fékk neitun um ríkisborgararétt vegna 10 þúsund króna
Fréttir
Í gær

Sviplegt fráfall – Söngvari At the Gates látinn aðeins 52 ára að aldri

Sviplegt fráfall – Söngvari At the Gates látinn aðeins 52 ára að aldri
Fréttir
Fyrir 2 dögum

Fyrrverandi fallhlífarhermaður fyrir dóm vegna morða sem áttu sér stað fyrir rúmum 50 árum

Fyrrverandi fallhlífarhermaður fyrir dóm vegna morða sem áttu sér stað fyrir rúmum 50 árum
Fréttir
Fyrir 2 dögum

„Bleika slaufan hefur alltaf snert við mér“

„Bleika slaufan hefur alltaf snert við mér“