fbpx
Þriðjudagur 05.júlí 2022
Fréttir

Neyðarlínan skotmark tölvuþrjóta – 400.000 netárásir á einum sólarhring

Kristján Kristjánsson
Föstudaginn 13. maí 2022 08:00

Mynd:Neyðarlínan/Facebook.

Ekki missa af Helstu tíðindum dagsins í pósthólfið þitt

Lesa nánar

Í kjölfar innrásar Rússar í Úkraínu hefur netárásum á innviði á Vesturlöndum fjölgað mikið. Ísland fer ekki varhluta af þessu og hafa óvenjulega margar árásir verið gerðar hér á landi síðustu vikur.

Í upphafi innrásarinnar voru 400.000 netárásir gerðar á Neyðarlínuna, 112, á einum sólarhring. Fréttablaðið skýrir frá þessu í dag.

Fram kemur að árásunum hafi verið haldið áfram eftir þetta.

Árása af þessu tagi hefur einnig orðið vart í auknum mæli á innviði á hinum Norðurlöndunum og má þar nefna að dönsk orkufyrirtæki hafa orðið fyrir fjölda netárása frá upphafi stríðsins að sögn danskra fjölmiðla. Þegar eitt þeirra greip til þess ráðs að loka fyrir IP-tölur frá Rússlandi fækkaði árásunum mjög.

Guðmundur Arnar Sigmundsson, forstöðumaður netöryggissveitar Certis, sagði í samtali við Fréttablaðið að engar rökstuddar vísbendingar séu um að hóparnir, sem stunda þessar árásir, komi frá einu og sama ríkinu.

Aðspurður um hvort grunur leiki á að Rússar standi að baki þessari aukningu sagði hann: „Vissulega hefur þetta verið holskefla frá því að stríðið braust út.“

Magnús Hauksson, rekstrarstjóri Neyðarlínunnar, sagði að árásirnar hafi ekki valdið tjóni á þjónustu Neyðarlínunnar fram að þessu. „Við krossum fingur og reynum að vera skrefi á undan þrjótunum. Það sem vekur aftur á móti athygli okkar er hvað árásirnar eru tíðar og umfangsmiklar á þetta fámenna land okkar,“ sagði hann.

Nánar er hægt að lesa um málið í Fréttablaðinu í dag.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Grashausar sagðir öskurgubba vikum saman

Grashausar sagðir öskurgubba vikum saman
Fréttir
Í gær

10 ára þolanda nauðgunar neitað um þungunarrof í Ohio

10 ára þolanda nauðgunar neitað um þungunarrof í Ohio
Fréttir
Fyrir 4 dögum

Arnar Grant segir að Vítalía hafi ekki sagt satt um Loga Bergmann

Arnar Grant segir að Vítalía hafi ekki sagt satt um Loga Bergmann
Fréttir
Fyrir 4 dögum

Alþýðlegur Bogi ávarpaði Facebookhóp – „Umræðan hér fer ekki framhjá okkur“

Alþýðlegur Bogi ávarpaði Facebookhóp – „Umræðan hér fer ekki framhjá okkur“