Í nótt þurfti lögreglan að hafa afskipti af allnokkrum einstaklingum sem grunaðir eru um ölvun undir stýri. Versta málið sem kom upp var í miðbæ Reykjavíkur þar sem ökumaður var handtekinn á bíl með aðeins eitt framhjól og var viðkomandi búinn að keyra á þrjár kyrrstæðar bifreiðar. Þetta kemur fram í dagbók lögreglu.
Ölvaður farþegi í bílnum læsti sig inni í bifreiðinni þegar lögreglu bar að garði og neitaði að opna fyrir lögreglu þegar dráttarbifreið frá Króki kom til að fjarlægja bifreiðina. Farþeginn var síðar handtekinn fyrir að fara ekki að fyrirmælum lögreglu og vistaður fyrir rannsókn máls í fangageymslu lögreglu
Seinnipartinn í gær stöðvaði lögregla svo för 17 ára pilts á óskráðri vespu í hverfi 108. Drengurinn reyndist að stinga lögreglu af en þegar lögregla náði honum játaði hann að vespan væri stolin. Foreldrar drengsins voru upplýst um málið og það tilkynnt til Barnaverndar.
Rétt fyrir miðnætti hafði lögregla svo afskipti af ölvuðum manni á rafhlaupahjóli í hverfi 105. Maðurinn var akandi hjólinu fyrir bifreiðar og var nærri búinn að valda stórslysi. Maðurinn var kærður fyrir að stýra hjóli undir áhrifum áfengis eða fíkniefna.
Þá var ekið á gangandi vegfaranda á Kringlumýrabraut rétt fyrir miðnætti. Maðurinn var fluttur með sjúkrabifreið á bráðadeild og er ekki vitað um áverka.