fbpx
Fimmtudagur 23.september 2021
Fréttir

Dagbjört segir þessa stétt vera íslenskan verkalýð – Sólveig Anna gáttuð – „Þetta er áhugaverð sýn á samfélagið“

Ritstjórn DV
Þriðjudaginn 3. ágúst 2021 20:34

Ekki missa af Helstu tíðindum dagsins í pósthólfið þitt

Lesa nánar

Líflegar umræður hafa átt sér stað í dag vegna framboðslista Sósíalistaflokksins eftir að rithöfundurinn Hallgrímur Helgason lýsti yfir vonbrigðum sínum á Twitter yfir að engan fulltrúa verkalýðsins væri að finna á lista flokksins í Reykjavík.

Meðal annars benti Hallgrímur á að lögfræðinga væri að finna innan raða frambjóðenda Sósíalista.

„Vonbrigði með lista Sósíalista í Rvk. Enginn úr verkalýðsstétt. Þetta er bara hin galandi millistétt eins og hjá okkur í Samfylkingunni. Kennarar, laganemar og listamenn…. Öryrkjar, láglaunafólk og erlent verkafólk áfram ósýnileg í íslenskum stjórnmálum, nema hjá Ingu Sæland,“ skrifar Hallgrímur.

Dagbjört Hákonardóttir, lögfræðingur sem skipar 3. sæti framboðslista Samfylkingarinnar í Reykjavík norður, vakti í kjölfarið máls á því að konur sem starfa sem lögfræðingar í stjórnsýslunni séu oftar en ekki fátækar, einkum þær sem eru einstæðar mæður, og telur Dagbjört að lögfræðingar í þeirri stöðu tilheyri íslenska verkalýðnum.

„Ég þekki þær allnokkrar sem hafa skilið eða slitið samböndum (eins og engur og gerist). Um kvöld og helgar vinna þær í umönnunarstörfum til að eiga í sig og á, þ.e. í barnlausu vikunum. Svo eru það námslánin. Þetta er íslenskur verkalýður,“ skrifar Dagbjört á Twitter. Bendir hún á að kvenkyns lögfræðingar í störfum innan stjórnsýslunnar séu gjarnan með útborgaðar tekjur yfir 350 þúsund krónum og fái því ekki barnabætur.

Sólveig Anna Jónsdóttir, formaður Eflingar, furðar sig á þessum ummælum og vekur athygli á þeim á Facebook.

„Einn af frambjóðendum Samfylkingarinnar í Reykjavík telur að meirihluti þeirra kven-lögfræðinga sem starfa hjá stjórnsýslunni séu fátækar. Og að þær séu íslenskur verkalýður.

Þetta er áhugaverð sýn á samfélagið. Ef að þetta er rétt, að fátæktin sé fylgifiskur lögfræðistarfa hjá hinu opinbera, hvað finnst frambjóðendum Samfylkingarinnar að kalla ætti efnahagslegar aðstæður þær sem ófaglærðum umönnunarkonum hins opinbera er boðið að lifa við? Og þeim aðfluttu verkakonum sem þjáðst hafa í atvinnuleysinu, þeim sem áður svitnuðu á hótelunum fyrir íslenska hagvöxtinn?“

Veltir Sólveig því fyrir sér að ef konur sem starfa sem lögfræðingar í stjórnsýslunni séu hinn raunverulegi íslenski verkalýður, hvað eigi þá að kalla þær konur sem áður áttu heima í þeim flokk.

„Þær konur sem eru fangar samræmdrar láglaunastefnu, þær konur sem eru fórnarlömb samræmds-ofur-arðráns hins opinbera og kapítalistanna? Vinnuafls-verkalýðs-konur? Ofur-verkalýðs-konur?“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Stjörnunuddarinn í útrás til Svíþjóðar þrátt fyrir fimm ára fangelsisdóm í janúar – „Ég dreg það besta, og versta úr fólki“

Stjörnunuddarinn í útrás til Svíþjóðar þrátt fyrir fimm ára fangelsisdóm í janúar – „Ég dreg það besta, og versta úr fólki“
Fréttir
Í gær

„Hvaða rugl er þetta?“: Felix hjólar í Blóðbankann – „Lyktar illilega af hómófóbíu“

„Hvaða rugl er þetta?“: Felix hjólar í Blóðbankann – „Lyktar illilega af hómófóbíu“
Fréttir
Í gær

Smitin á uppleið aftur

Smitin á uppleið aftur
Fréttir
Fyrir 2 dögum

Eldur í íbúð í Kópavogi

Eldur í íbúð í Kópavogi
Fréttir
Fyrir 2 dögum

Snæþór opnar sig: „Ég er ótrúlega þakklátur fyrir þetta í dag þó ég hafi verið sár út í sjálfan mig svona fyrst á eftir“

Snæþór opnar sig: „Ég er ótrúlega þakklátur fyrir þetta í dag þó ég hafi verið sár út í sjálfan mig svona fyrst á eftir“
Fréttir
Fyrir 3 dögum

Leitað að manni sem villtist á Esjunni – Ekið á gangandi vegfaranda – Sigldu á sker

Leitað að manni sem villtist á Esjunni – Ekið á gangandi vegfaranda – Sigldu á sker
Fréttir
Fyrir 4 dögum

Vínsali og aktívisti í hár saman – Sverrir hótar Sindra málsókn – „En freki karlinn er auðvitað óvanur því að honum sé andmælt“

Vínsali og aktívisti í hár saman – Sverrir hótar Sindra málsókn – „En freki karlinn er auðvitað óvanur því að honum sé andmælt“
Fréttir
Fyrir 4 dögum

Hryllileg árás á ungmenni á Kársnesi í nótt – Börðu fólk ítrekað í höfuð með hömrum – „Þetta er ekkert annað en morðtilraun“

Hryllileg árás á ungmenni á Kársnesi í nótt – Börðu fólk ítrekað í höfuð með hömrum – „Þetta er ekkert annað en morðtilraun“