Lögreglan á höfuðborgarsvæðinu hefur sent frá sér tilkynningu um mannslát sem varð í nótt. Kom lögreglan að manni í annarlegu ástandi og flutti hann á Landspítalann. Missti hann meðvitund er þangað var komið. Tilkynningin er eftirfarandi:
„Lögreglan á höfuðborgarsvæðinu var ásamt sjúkraliði kölluð að húsi í austurborginni um tvöleytið í nótt vegna manns sem sagður var í annarlegu ástandi. Lögregla flutti manninn á Landspítalann en rétt áður en þangað kom missti hann meðvitund og fór í hjartastopp. Endurlífgunartilraunir hófust í kjölfarið en báru ekki árangur og var maðurinn úrskurðaður látinn skömmu eftir komuna á spítalann. Maðurinn var á fertugsaldri.
Samkvæmt frétt Vísis um málið kemur fram að maðurinn hafi verið í geðrofsástandi fyrir utan áfangaheimilið Draumasetrið þegar hann var handtekinn.