fbpx
Fimmtudagur 16.september 2021
Fréttir

Harðari fíkniefnaneysla ungmenna en færri leita sér aðstoðar

Kristján Kristjánsson
Föstudaginn 30. júlí 2021 09:00

Sjúkrahúsið Vogur

Ekki missa af Helstu tíðindum dagsins í pósthólfið þitt

Lesa nánar

Á síðasta ári leituðu færri 25 ára og yngri á Vog en árin á undan. Nýting á afeitrunardeild fyrir ungmenni á Landspítalanum hefur verið minni en reiknað var með. Þau ungmenni sem koma í meðferð eru hins vegar veikari og í harðari neyslu.

Fréttablaðið skýrir frá þessu í dag. Maríanna Bernharðsdóttir, deildarstjóri fíknigeðdeildar Landspítalans, segir ástæðuna fyrir minni ásókn á deildina vera tvíþætta. Þar sé um COVID að ræða og af einhverjum ástæðum virðist vera minni þörf fyrir þjónustu deildarinnar núna en áður, sömu sögu sé að segja hjá öðrum meðferðarúrræðum.

Hún sagði að nánast engin börn hafi lagst inn á deildina á fyrri hluta ársins en í sumar hafi þau verið eitt til tvö í mánuði. „Við vitum alveg að neysla ungmenna er ekki horfin úr samfélaginu en eitthvað hefur breyst. Í kjölfarið höfum við breytt vaktafyrirkomulaginu hjá okkur og keyrum meira á bakvöktum,“ sagði hún.

Valgerður Rúnarsdóttir, yfirlæknir á Vogi, tók í sama streng og Maríanna og sagði að fækkað hafi í yngsta hópnum sem leitar í meðferð á Vogi. Mest hafi fækkunin verið í hópi 40 ára og yngri en í eldri hópum hafi fjöldinn staðið í stað. „Það hefur statt og stöðugt dregið úr innlögnum hjá yngsta hópnum, 25 ára og yngri, frá aldamótum en á síðasta ári dró sérstaklega mikið úr. Það voru færri að biðja um innlögn og sækjast eftir meðferðum í þessum yngri aldurshópum,“ sagði hún.

Hún sagði að líklega hafi aðgerðir tengdar heimsfaraldrinum spilað inn í þessa fækkun. „Það var ekkert um að vera hérna í fyrra og það voru ekki eins mörg tækifæri til þess að klúðra, ganga fram af sér eða skandalísera fyrir unga fólkið en hins vegar voru mörg tækifæri fyrir þá eldri til að versna í drykkjunni heima, mér finnst þetta líklegasta skýringin,“ sagði hún.

Hún sagði að 30% þeirra sem voru 25 ára og yngri þegar þeir leituðu á Vog á síðasta ári hafi notað vímuefni í æð og sé það hærra hlutfall en venjulega. „Þó svo að það séu færri ungmenni að koma til okkar þá eru þau sem mæta í mjög slæmum málum og eru veikari,“ sagði hún.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Anton bar vitni í Rauðagerðismálinu – „Það er búið að rústa öllu hjá mér, fjölskyldulífinu…“

Anton bar vitni í Rauðagerðismálinu – „Það er búið að rústa öllu hjá mér, fjölskyldulífinu…“
Fréttir
Í gær

Dóttir Sibbu glímir við hræðilegan sjúkdóm en kemur að lokuðum dyrum – „Grátandi og öskrandi af sársauka“ en fær engar bætur

Dóttir Sibbu glímir við hræðilegan sjúkdóm en kemur að lokuðum dyrum – „Grátandi og öskrandi af sársauka“ en fær engar bætur
Fréttir
Í gær

Íslensk kona sækist eftir skilnaði við svikulan sómalskan svein – Óvíst hvort hann sé ekkill, fráskilinn eða enn giftur ytra

Íslensk kona sækist eftir skilnaði við svikulan sómalskan svein – Óvíst hvort hann sé ekkill, fráskilinn eða enn giftur ytra
Fréttir
Í gær

Nýta sér gott lánshæfismat fyrirtækja til að svíkja út vörur

Nýta sér gott lánshæfismat fyrirtækja til að svíkja út vörur
Fréttir
Fyrir 2 dögum

Rauðagerðismálið – Átakanleg frásögn ekkju Armando: „Þá spyr ég – var hann skotinn?“

Rauðagerðismálið – Átakanleg frásögn ekkju Armando: „Þá spyr ég – var hann skotinn?“
Fréttir
Fyrir 2 dögum

Stöð 2 sýndi brot úr klámi beint eftir kvöldfréttir í gær: Ólga meðal íslenskra mæðra – „Mér er svo misboðið“

Stöð 2 sýndi brot úr klámi beint eftir kvöldfréttir í gær: Ólga meðal íslenskra mæðra – „Mér er svo misboðið“