Kanadíski kvikmyndagerðarmaðurinn Elia Saikaly er kominn til Pakistan til að taka þátt í leiðangri á fjallið K2, til að leita að líkum John Snorra Sigurjónssonar,  Ali Sadpara. Frá þessu greinir hann á Facebook-síðu sinni. Með í för verður Sajid Sadpara, sonur Ali.

Líkt og flestir vita lést John Snorri og félagar hans í ferð sinni á K2 í febrúar, en þeir ætluðu sér að verða vera fyrstu mennirnir til að klífa tindinn um vetur. K2 er næst stærsti tindur í heimi og þykir mjög erfitt til fjallgöngu.

„Ég er í Pakistan á leið á K2 með Sajid Sadpara, til að leita að föður hans og góðum vini okkar John Snorra. Sannleikurinn er sá að við gátum ekki gert ekki neitt. Þetta eru vinir okkar. Þeir voru liðsfélagar okkar.“ segir Elia Saikaly sem tekur fram að þeir hafi átt að vera með þeim kvöldið sem þeir hurfu.

„Þetta er leiðangur til að leita svara. Þetta snýst um hollustu, heiður og vináttu. Þetta er fyrir Sajid. Þetta er fyrir Ali. Þetta er fyrir John. Og þetta er fyrir Pakistan.“