fbpx
Mánudagur 14.júní 2021
Fréttir

Örlagarík bílvelta í Krýsuvík – Vörður kærði ökumanninn til lögreglu fyrir tryggingasvik

Ágúst Borgþór Sverrisson
Miðvikudaginn 26. maí 2021 15:30

Ekki missa af Helstu tíðindum dagsins í pósthólfið þitt

Lesa nánar

Bílslys sem ungur maður lenti í árið 2017 dró tvöfaldan dilk á eftir sér. Forsagan er sú að ungi maðurinn keypti sér laskaðan bíl á 20 þúsund krónur, í því skyni að gera hann upp. Daginn eftir kaupin prufukeyrði hann bílinn í Krýsuvík en svo illa fór að hann velti bílnum og var nokkuð slasaður eftir óhappið. Bíllinn valt á þakið, maðurinn var í bílbelti en loftpúðar blésust ekki út. Eftir slysið fékk maðurinn sting í mjóbakið þegar hann lyfti handleggjunum. Var hann greindur með tognun í brjósthrygg og lendahrygg, auk þess að vera með mar á hendi.

Maðurinn taldi sig eiga rétt á bótum úr slysatryggingu ökumanns hjá Verði tryggingum hf. Tryggingafélagið taldi hins vegar að maðurinn hefði velt bílnum viljandi og kærði hann til lögreglu fyrir tryggingasvik. Maðurinn sat því uppi með bæði líkamlega áverka og lögreglukæru. Lögregla rannsakaði málið og felldi það svo niður og taldi ekki um svik að ræða. Þrátt fyrir þetta neitaði Vörður að greiða unga manninum bætur úr tryggingunni og taldi manninn ekki hafa sýnt fram á að hann hefði orðið fyrir bótaskyldu tjóni.

Maðurinn ákvað þá að stefna tryggingafélaginu. Dómur í málinu féll í dag í Héraðsdómi Reykjavíkur, hefur hann ekki verið birtur á vef dómstólanna en DV hefur dóminn undir höndum. Þar kemur fram að maðurinn taldi kæru tryggingafélagsins til lögreglu vera tilhæfulausa enda hafi málið verið fellt niður hjá lögreglu. Vegna afstöðu Varðar hafi hann þurft að bera tjón sitt bótalaust í langan tíma en tæplega fjögur ár eru nú liðin frá því slysið varð.

Vörður hélt sig við þann málflutning að maðurinn hefði velt bílnum viljandi eða af stórkostlegu gáleysi og þar með væri félagið ekki bótaskylt. Gáleysisásökuninni til stuðnings  telur tryggingafélagið vera að bíllinn hafi í raun ekki verið í ökuhæfu ástandi. Það var mat dómsins eftir skoðun gagna og vitnisburðar, meðal annars frá starfsmanni fyrirtækisins sem sá um að draga bílhræið burtu af vettvangi, að slysið hefði ekki verið viljaverk. Segir meðal annars í dómsorði að ekkert liggi fyrir um að ástand bílsins hafi verið slíkt að jafna megi akstri á honum til stórkostlegs gáleysis.

Dæmdi héraðsdómur unga ökumanninum að fullu leyti í hag. Var viðurkenndur réttur hans til greiðslu fullra bóta úr slysatryggingu ökumanns hjá Verði tryggingum hf. vegna umferðarslyss þann 17. júní í Krýsuvík. Jafnframt þarf Vörður að greiða manninum eina milljón króna í málskostnað.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Pablo Discobar rís úr öskustónni – Barinn sem „steypubílstjórinn“ kveikti í opnaður á ný

Pablo Discobar rís úr öskustónni – Barinn sem „steypubílstjórinn“ kveikti í opnaður á ný
Fréttir
Fyrir 2 dögum

Bubbi segir galið að taka tónlist Auðs úr spilun – Margir þekktir einstaklingar gagnrýna meðferðina á honum

Bubbi segir galið að taka tónlist Auðs úr spilun – Margir þekktir einstaklingar gagnrýna meðferðina á honum
Fréttir
Fyrir 2 dögum
Eitt innanlandssmit
Fréttir
Fyrir 2 dögum

„Trúr og hlýðinn“ dómari dæmdi Kristján Örn í skilorðsbundið fangelsi – Hyggst leita til Mannréttindadómstóls Evrópu

„Trúr og hlýðinn“ dómari dæmdi Kristján Örn í skilorðsbundið fangelsi – Hyggst leita til Mannréttindadómstóls Evrópu
Fréttir
Fyrir 3 dögum

Kona sakfelld fyrir að stela tæplega hálfri milljón af Foreldrafélagi Njarðvíkurskóla

Kona sakfelld fyrir að stela tæplega hálfri milljón af Foreldrafélagi Njarðvíkurskóla
Fréttir
Fyrir 3 dögum

Hjúkrunarfræðingur í mál við Akureyrarbæ – Sökuð um mistök við lyfjagjafir og sérkennilegan frágang á líki

Hjúkrunarfræðingur í mál við Akureyrarbæ – Sökuð um mistök við lyfjagjafir og sérkennilegan frágang á líki