fbpx
Sunnudagur 16.maí 2021
Fréttir

Hestamenn telja Villiketti ógna öryggi sínu

Kristján Kristjánsson
Fimmtudaginn 29. apríl 2021 09:30

Mynd:Getty.

Ekki missa af Helstu tíðindum dagsins í pósthólfið þitt

Lesa nánar

Formaður húsfélags hestamanna í Hlíðarþúfum í Hafnarfirði sendi bæjaryfirvöldum í Hafnarfirði nýlega bréf þar sem hann skorar á þau að bregðast við og stöðva starfsemi Villikatta í Hlíðarþúfum. Félagið Villikettir keypti eitt hesthús í Hlíðarþúfum í fyrrasumar.

Fréttablaðið skýrir frá þessu og vísar í bréf formannsins, Gunnars Hallgrímssonar, til bæjaryfirvalda. Þar segir hann að sótt sé að hestamönnum úr öllum áttum en hingað til hafi enginn eigandi látið undan þrýstingi og selt hesthús sitt öðrum en hestamönnum til að nota fyrir hesta fyrr en nú.

Hann segir að um ódýrt húsnæði sé að ræða og mjög mikilvægt sé að hvika ekki frá skilmálum og þar með skapa fordæmi. Stjórn húsfélags Hlíðarþúfna segir engan vafa leika á að starfsemi Villikatta sé óheimil í hesthúsahverfinu. Í bréfinu segir að það sé andstætt skipulagi hesthúsabyggðarinnar og lóðarsamningum að önnur starfsemi sé þar en sú sem tengist hestahaldi. Margir hafi reynt að komast yfir hesthús til að nota undir ótengda starfsemi og nefnir Gunnar þar á meðal vélsmiðju, vélhjólaleigu og bifvélavirkja.

„Villikettir eða önnur starfsemi ótengd hestamennsku, svo sem hundahótel, verkstæði eða bakarí, eiga ekki erindi í hesthúsahverfið og geta jafnvel ógnað hestaheilsu og öryggi hestamanna,“ segir í bréfi hans.

„Það geta allir keypt þessi hesthús og það eru engar kvaðir. Það var einu sinni þannig að bærinn og hestafélagið þurftu að samþykkja kaup, en svo var það tekið út,“ hefur Fréttablaðið eftir Arndísi Björg Sigurgeirsdóttur, formanni Villikatta. Hún sagði einnig að engin eiginleg starfsemi sé í húsi Villikatta á svæðinu. Sjálfboðaliðar komi þangað kvölds og morgna til að gefa villköttum sem séu geymdir þar inni í fimm daga áður en þeim er sleppt eftir að búið er að gelda þá og ormhreinsa. Þar séu örfáir villikettir í einu.

Hún hafnar því að kettirnir geti ógnað heilsu og öryggi hesta og hestamanna. „Hvernig gæti það verið? Ég held að það sé verið að gera eitthvað úr einhverju sem ekkert er,“ sagði hún og bætti við að hesthúsið henti ekki fyrir Villiketti og sé því aðeins til bráðabirgða.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Fréttir
Fyrir 16 klukkutímum
Nammistríðið heldur áfram

Mest lesið

Nýlegt

Fréttir
Í gær

Fólk til vandræða og eldur í íbúðarhúsnæði

Fólk til vandræða og eldur í íbúðarhúsnæði
Fréttir
Fyrir 2 dögum

Lyfjastofnun gerir athugasemd við áróðursauglýsingu gegn bólusetningum

Lyfjastofnun gerir athugasemd við áróðursauglýsingu gegn bólusetningum
Fréttir
Fyrir 3 dögum

Héraðssaksóknari ákveður á næstu dögum hvort hann ákærir barnsmóður Aziz – Hefur ekki fengið að sjá börnin sín í meira en tvö ár

Héraðssaksóknari ákveður á næstu dögum hvort hann ákærir barnsmóður Aziz – Hefur ekki fengið að sjá börnin sín í meira en tvö ár
Fréttir
Fyrir 3 dögum

BYKO dregur úr eigin losun um 19%

BYKO dregur úr eigin losun um 19%
Fréttir
Fyrir 3 dögum

Tveir greinst með indverska afbrigðið

Tveir greinst með indverska afbrigðið
Fréttir
Fyrir 3 dögum

Þrjú smit í gær

Þrjú smit í gær
Fréttir
Fyrir 4 dögum

Hin ákærðu í Rauðagerðismálinu sökuð um samverknað um morð

Hin ákærðu í Rauðagerðismálinu sökuð um samverknað um morð
Fréttir
Fyrir 4 dögum

Morðið í Rauðagerði: Kærasta Angjelin á meðal ákærðu

Morðið í Rauðagerði: Kærasta Angjelin á meðal ákærðu