fbpx
Fimmtudagur 18.september 2025
Fréttir

„Að líkja eldgosinu við sjúkling sem er enn með lífsmarki en er í öndunarvél, er samlíking sem gæti átt við,“ segir Þorvaldur

Kristján Kristjánsson
Mánudaginn 25. október 2021 08:00

Gosstöðvarnar á Reykjanesi Mynd/Ernir

Ekki missa af Helstu tíðindum dagsins í pósthólfið þitt

Lesa nánar

Þorvaldur Þórðarson, eldfjallafræðingur við Háskóla Íslands, telur að eldgosið á Reykjanesskaga sé nú á lokametrunum. Enn mælist lítils háttar gasútstreymi úr gígnum og hrauninu að hans sögn og sýni það að enn sé líf í gosinu en þó lítið.

Morgunblaðið skýrir frá þessu í dag. Gosið hófst 19. mars en rólegt hefur verið yfir því síðustu vikur. Því verður þó ekki formlega lýst sem loknu fyrr en það hefur verið stopp í þrjá mánuði hið minnast. Fimm vikur eru síðan hraun rann síðast frá því og því munu að minnsta kosti tæpir tveir mánuðir líða þar til goslokum verður lýst yfir.

Þriggja mánaða reglan byggist á gildandi viðmiðum. Í gosinu í Eyjafjallajökli 2010 varð umbrota síðast vart 6. og 7. júní . goslokum var þó ekki lýst yfir fyrr en langt var liðið á október.

„Þegar kraftur í gosinu við Grindavík var mestur hefur hraunstreymið verið á bilinu 5-10 rúmmetrar á sekúndu. Til að gosrás haldist opin þarf straumur glóandi hrauns að vera þrír rúmmetrar á hverri sekúndu og framleiðslan við Fagradalsfjall er núna komin langt þar undir. Útstreymi gosefna nú er sáralítið,“ er haft eftir Þorvaldi.

Hann sagði jafnframt að jarðhræringarnar við Keili á dögunum séu vísbending um að kvika sé enn í jörðu á skaganum en hún sé í lágmarki. „Að líkja eldgosinu við sjúkling sem er enn með lífsmarki en er í öndunarvél, er samlíking sem gæti átt við,“ sagði hann.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Opnar fyrstu einkasýninguna aðeins 16 ára

Opnar fyrstu einkasýninguna aðeins 16 ára
Fréttir
Í gær

Borgarfulltrúi Framsóknar segir að krafan um bílastæði sé eðlileg – „Reykjavík er ekki Kaupmannahöfn eða Osló“

Borgarfulltrúi Framsóknar segir að krafan um bílastæði sé eðlileg – „Reykjavík er ekki Kaupmannahöfn eða Osló“
Fréttir
Fyrir 2 dögum

Kynbundið ofbeldi grasserar í netheimum – „Síðan ertu einhvern veginn hvergi óhult“

Kynbundið ofbeldi grasserar í netheimum – „Síðan ertu einhvern veginn hvergi óhult“
Fréttir
Fyrir 2 dögum

Fyrrverandi fallhlífarhermaður fyrir dóm vegna morða sem áttu sér stað fyrir rúmum 50 árum

Fyrrverandi fallhlífarhermaður fyrir dóm vegna morða sem áttu sér stað fyrir rúmum 50 árum