Úlfhildur Arna Unnarsdóttir er kannski aðeins fimmtán ára gömul, en hún gerði sér lítið fyrir og setti nýtt Íslandsmet í snörun á heimsmeistaramóti undir 17 ára um helgina sem haldið var um helgina auk þess sem hún stóð sig eins og hetja í öðrum greinum mótsins.
Mbl.is birti í kjölfarið viðtal við Úlfhildi. Hins vegar virðist blaðamanni hafa brugðist listin í fyrirsagnavali ef marka má viðbrögð Netverja.
Fyrirsögnin var upprunalega „Auðvitað er glápt á mann í sturtu“ en henni var síðar breytt yfir í „Auðvitað er alltaf glppt á mann“.
Netverjar telja margir að fyrirsögnin sé gífurlega óviðeigandi, í fyrsta lagi því hún gefi ekkert til kynna um stórmerkan árangur Úlfhildar og í öðru lagi að áhersla sé lögð á sturtuferðir 16 ára ólögráða stúlku.
Fyrirsögnin er fengin úr hluta viðtalsins sem hljóðar svona:
„Hvað segja þá hinar stelurnar, er ekkert verið að glápa í laumi á svona hrikalegar valkyrjur í sturtuklefanum?
Úlfhildur tekur andköf af hlátri „Jú, auðvitað er alltaf glápt á mann, „vá, þú ert svo mössuð!“ segja stelpurnar,“ og lái þeim hver sem vill, en eins og sjá má af myndum á þessu viðtali er vöðvamassi Úlfhildar töluvert meiri en meðalkonu.“
Einn netverji bendir á líklega yrði slík fyrirsögn aldrei fyrir valinu ef viðtal væri við karlkyns íþróttamann.
„Hvað er í gangi með þennan titil … um 17 ára stelpu sem keppti í ólympískum lyftingum? Og af hverju er verið að spyrja 17 ára stúlku um fólk að stara á hana í sturtuklefanum? Afsakið en myndi þetta gerast við hitt kynið?“
Hvað er í gangi með þennan titil… um 17 ára stelpu sem keppti í ólympískum lyftingum? Og af hverju er verið að spyrja 17 ára stúlku um fólk að stara á hana í sturtuklefanum? Afsakið en myndi þetta gerast við hitt kynið? pic.twitter.com/Lek6EOaPjV
— Sandra Ósk Jóhannsdóttir (@sandra_johanns) October 11, 2021
Netverjar taka margir undir þetta í athugasemdum.
„Hann er að kyngera barn undir lögaldri. Hann líka tekur fram að hún hafi farið að hlæja. POTTÞÉTT ÞVÍ ÞETTA VAR ÓÞÆGILEGT,“ skrifar einn.
„Hún er kvk og þar með er íþróttamennskan aukaatriði og útlitið aðalatriðið,“ bætir Hulda B. Waage, kraftlyftingakona við.
„Þessi spurning kom upp því hann var að ímynda sér þessar aðstæður og vildi vita meira. Fkn weird. Sry en ef þú ert með barnagirnd þá eru til heilbrigðari leiðir til að uppfylla þessar þarfir,“ skrifar annar netverji.
Baráttukonan hrausta Edda Falak bendir einnig á fyrirsögnina.
„Úlfhildur setti nýtt Íslandsmet í snörun“ hefði sæmilega gengið sem fyrirsögn,“ skrifar hún og bætir við: „Og leyfið mér aðeins að undirstrika hversu í alvöru sturluð þessi fyrirsögn er: Úlfhildur er top10 sterkasta 16 ára stelpa í HEIMI“
Og leyfið mer aðeins að undirstrika hversu í alvöru sturluð þessi fyrirsögn er: Úlfhildur er top10 sterkasta 16 ára stelpa í HEIMI.
— Edda Falak (@eddafalak) October 11, 2021
"AUÐVITAÐ ER GLÁPT Á MANN Í STURTU"
Hér er 17 ára stúlka að keppa á heimsmeistaramóti í ólympískum lyftingum þar sem hún setur Íslandsmet í snörun í sínum aldurs- og þyngdarflokki, ásamt því að jafna íslandsmet í samanlögðu. Þetta er yfirskriftin sem var valin! pic.twitter.com/ik92hhZp3i
— Hildur Helgadóttir (@grildur) October 11, 2021
Kraftlyftingakonan Þorbjörg Matthíasdóttir vekur einnig athygli á fyrirsögninni og furðar sig á þessu vali.
Íþróttakona á frábært mót og stendur sig vel… "HEY FINNST EKKI ÖLLUM ÞÚ VERA SEXY?" https://t.co/bGliLqnqrm
— Þorbjörg (@thorbjorgmatt) October 11, 2021
Þorbjörg bendir einnig á að blaðamaður virðist ekki þekkja muninn á kraftlyftingum og ólympískum lyftingum.
„Nei – ég gefst upp. MANNESKJAN VAR AÐ KEPPA Í ÓLYMPÍSKUM EN EKKI KRAFTLYFTINGUM“
Kraftlyftingakonan Ellen Ýr Jónsdóttir tekur undir með Þorbjörgu.
„Oly eða power… skiptir engu, er hún ekki örugglega mössuð og glápt á hana í sturtunni?“
Oly eða power.. skiptir engu, er hún ekki örugglega mössuð og glápt á hana í sturtunni??
— Ellen Ýr (@ellenyr) October 11, 2021
"Hvað segja þá hinar stelpurnar, er ekkert verið að glápa í laumi á svona hrikalegar valkyrjur í sturtuklefanum?"
Fullkomlega eðlileg spurning frá 47 ára gömlum manni til 17 ára stelpu.
🤮— Óskar Árnason (@Angurvaki) October 11, 2021
Kona stundar íþrótt. Kona fer í viðtal um íþrótt. Þetta er spurning sem hún fær frá blaðamanni. Hvað er að?
,,Hvað segja þá hinar stelpurnar, er ekkert verið að glápa í laumi á svona hrikalegar valkyrjur í sturtuklefanum?"https://t.co/0skVXtwMnR via @mblfrettir— 𝚁 𝙰 𝙶 𝙶 𝙰 🦋 (@raggaj89) October 11, 2021
