fbpx
Þriðjudagur 30.nóvember 2021
Fréttir

Icelandair sagði Ólöfu trúnaðarmanni upp þegar hún ræddi réttindamál starfsfólks – Icelandair sagt margsaga um ástæðu uppsagnarinnar

Kristján Kristjánsson
Þriðjudaginn 5. október 2021 08:00

Reykjavíkurflugvöllur þar sem Ólöf starfaði.

Ekki missa af Helstu tíðindum dagsins í pósthólfið þitt

Lesa nánar

Miðstjórn Alþýðusambands Íslands hefur rætt uppsögn Ólöfu Helgu Adolfsdóttur, trúnaðarmanns í hlaðdeild Icelandair á Reykjavíkurflugvelli, í ágúst en henni var sagt upp á sama tíma og hún var í viðræðum við félagið um réttindamál starfsfólks. Hún var eina fastráðna hlaðkonan á flugvellinum.

Fréttablaðið skýrir frá þessu í dag. Fram kemur að Ólöf og stéttarfélag hennar segi að Icelandair hafi orðið margsaga um ástæður uppsagnarinnar. Fyrst hafi trúnaðarbresti verið borið við, síðan samstarfsörðugleikum og einnig hafi því verið haldið fram að félagið hafi ekki vitað að hún var trúnaðarmaður starfsfólks.

Haft er eftir Ólöfu að ósætti hafi komið upp, þar á meðal vegna kröfu yfirmanna um aukin verkefni hlaðmanna. Hún nefndi einnig breytingar á vinnutíma og álag tengt flutningum á fötluðu fólki.

„Þetta var mikið sjokk. Ég hef ekki verið rekin áður,“ sagði hún.

Hún sagði að hlaðmönnum á Reykjavíkurflugvelli hafi fækkað ört á síðari árum og vinnuaðstæður verkafólks hafi orðið sífellt verri að sögn samstarfsmanna hennar.

Efling segir að málið opni nýjan og dimman kafla í sögu atvinnulífs á Íslandi. „Sérstaklega í ljósi þess að uppsögnin og atlagan að verkafólki á plani er studd með ráðum og dáð af Samtökum atvinnulífsins,“ er haft eftir Viðari Þorsteinssyni hjá Eflingu. Með þessu vísar hann í að Samtök atvinnulífsins hafi á fundum stutt dyggilega við bakið á Icelandair í tengslum við uppsögn Ólafar. Hafi framkvæmdastjóri samtakanna lýst yfir stuðningi við uppsögnina.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Draugagangur í Keflavík: Segja að lítill sköllóttur strákur gangi aftur í blokkinni – Fyrrum íbúi kannast ekki við neitt slíkt

Draugagangur í Keflavík: Segja að lítill sköllóttur strákur gangi aftur í blokkinni – Fyrrum íbúi kannast ekki við neitt slíkt
Fréttir
Í gær

Splunkunýr heilbrigðisráðherra hefur áhyggjur af Omicron-afbrigðinu – „Auðvitað hef ég það“

Splunkunýr heilbrigðisráðherra hefur áhyggjur af Omicron-afbrigðinu – „Auðvitað hef ég það“
Fréttir
Fyrir 2 dögum

Kona á sextugsaldri og ríflega þrítugur karlmaður ákærð fyrir endurtekið MDMA smygl

Kona á sextugsaldri og ríflega þrítugur karlmaður ákærð fyrir endurtekið MDMA smygl
FókusFréttir
Fyrir 2 dögum

Upptekna fólkið sem fann samt tíma til að taka þátt í jólabókaflóðinu

Upptekna fólkið sem fann samt tíma til að taka þátt í jólabókaflóðinu
Fréttir
Fyrir 3 dögum

Stál í stál í Dubai – Áskorandinn getur verið ánægður með stöðu mála

Stál í stál í Dubai – Áskorandinn getur verið ánægður með stöðu mála
Fréttir
Fyrir 3 dögum

Yfirmaður áhaldahúss Garðabæjar heiðraður af bæjarbúum í jólabjóraflóðinu – „Mikill reddari sem græjaði allt í bænum“

Yfirmaður áhaldahúss Garðabæjar heiðraður af bæjarbúum í jólabjóraflóðinu – „Mikill reddari sem græjaði allt í bænum“