Staðan í hálfleik í leik Íslands og Sviss á HM í handbolta í Egyptalandi er 10:9 fyrir Sviss. Íslenska liðið hefur farið illa með færi sín en varnarleikurinn hefur verið góður í hægum leik liðanna.
Björgvin Páll Gústafsson markvörður kom í veg fyrir að Sviss sigldi fram úr er hann kom inn á um miðjan hálfleikinn. Ágúst Elí Björgvinsson hóf leik í markinu en tókst aðeins að verja eitt skot á fyrsta korterinu. Björgvin Páll gerði sér hins vegar lítið fyrir og skoraði tvö mörk yfir allan völlinn beint í autt mark Sviss með skömmu millibili og hefur auk þess varið fimm skot. Frábær innkoma.
Ólafur Guðmundsson er búinn að skora 3 mörk fyrir Ísland í hálfleiknum.
Nánari fréttir í leikslok.