fbpx
Þriðjudagur 09.ágúst 2022
Fréttir

Lilja segir að aðstæðurnar í Borgarholtsskóla hafi verið grafalvarlegar

Kristján Kristjánsson
Föstudaginn 15. janúar 2021 09:00

Mynd tekin við Borgarholtsskóla á miðvikudaginn. Mynd/Anton Brink

Ekki missa af Helstu tíðindum dagsins í pósthólfið þitt

Lesa nánar

„Ég fordæmi allt ofbeldi. Það er ljóst að aðstæðurnar í Borgarholtsskóla voru grafalvarlegar,“ hefur Morgunblaðið eftir Lilju Alfreðsdóttur, mennta- og menningarmálaráðherra, um atburðina í skólanum á miðvikudaginn.

Hún sagðist jafnframt telja að skólinn, bæði kennarar og nemendur, hafi brugðist hárrétt við. Lilja fundar með skólameisturum í dag þar sem öryggismál verða rædd sérstaklega og farið verður yfir það sem gerðist í Borgarholtsskóla.

„Ég legg áherslu á að við búum í frjálsu og mjög góðu samfélagi og við viljum halda í þá samfélagsgerð. Við leggjum höfuðáherslu á að umhverfi skólasamfélagsins sé öruggt og viljum tryggja öryggi allra,“ sagði hún í samtali við Morgunblaðið.

Skólameistarafélag Íslands er langt komið með gerð áætlunar um viðbrögð við mögulegri vá í framhaldsskólum. Morgunblaðið hefur eftir Kristni Þorsteinssyni, formanni félagsins, að það hafi átt frumkvæðið að gerð þessarar áætlunar. Reiknað er með að vinnu við áætlunina ljúki á þessu skólaári.

Í áætluninni er tekið á náttúruhamförum á borð við jarðskjálfta en einnig er tekið á skotárásum, hryðjuverkaárásum og öðru því líku að sögn Kristins sem sagði að áður hafi komið til átaka í íslenskum skólum en atvikið í Borgarholtsskóla sé eitt það versta sem hann muni eftir.

Piltur var í gær úrskurðaður í vikulangt gæsluvarðhald vegna rannsóknar málsins.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Sex slösuðu sig á rafhlaupahjóli í nótt – Tveir fluttir með sjúkrabíl á bráðamóttöku

Sex slösuðu sig á rafhlaupahjóli í nótt – Tveir fluttir með sjúkrabíl á bráðamóttöku
Fréttir
Fyrir 2 dögum

Þykja hressir og góðir fyrir móralinn en eru ekki metnir að verðleikum

Þykja hressir og góðir fyrir móralinn en eru ekki metnir að verðleikum
Fréttir
Fyrir 4 dögum

Sjónvarpskonan Lóa Pind ósátt – Skrapp að kíkja á eldgosið og fékk háa rukkun í heimabankann

Sjónvarpskonan Lóa Pind ósátt – Skrapp að kíkja á eldgosið og fékk háa rukkun í heimabankann
Fréttir
Fyrir 4 dögum

Eiginmaður finnst ekki en krafinn um rúmlega 23 milljónir – Tekist á um fasteign við Dalveg í skilnaðardrama

Eiginmaður finnst ekki en krafinn um rúmlega 23 milljónir – Tekist á um fasteign við Dalveg í skilnaðardrama
Fréttir
Fyrir 4 dögum

„Útdauður“ sjúkdómur blossar upp í stórborg – Gæti verið toppurinn á ísjakanum

„Útdauður“ sjúkdómur blossar upp í stórborg – Gæti verið toppurinn á ísjakanum
Fréttir
Fyrir 4 dögum

Yfirmaður hjá úkraínsku leyniþjónustunni segir að Pútín noti staðgengil – Segir að þetta komi upp um hann

Yfirmaður hjá úkraínsku leyniþjónustunni segir að Pútín noti staðgengil – Segir að þetta komi upp um hann