Um þrjúleytið í dag voru björgunarsveitir á Vesturlandi kallaðar út vegna gönguskíðamanns sem slasaðist á Langjökli. Þetta kemur fram í tilkynningu frá Landsbjörgu.
Maðurinn var á ferðalagi ásamt félögum sínum við Þursaborg á Langjökli þegar hann slasaðist á fæti og getur ekki gengið sjálfur. Hópurinn er sagður vel búinn og óskaði eftir aðstoð við að koma manninum af jöklinum. Hann er ekki talilnn í hættu.
Staðsetning ferðamannanna talin þekkt og á svæðinu er gott veður en kalt. Mennirnir halda kyrru fyrir og bíða eftir aðstoð. Björgunarsveitarfólk er á leiðinni á jökulinn.