Allt efnahagslíf á Íslandi og annars staðar í heiminum lamaðist nánast þegar kórónuveirufaraldurinn stóð sem hæst. Erfitt var að halda uppi rekstri fyrirtækja þegar fólk var hvatt til þess að halda sig heima og því kynntu stjórnvöld til leiks hlutabótaleiðina.
Með henni greiddi ríkið einhvern hluta launa starfsmanna hjá fyrirtækjum og auðveldaði með því róðurinn í gegnum þessa fordæmalausu tíma. Öll fyrirtæki gátu nýtt sér leiðina og þótti það afar umdeilt þegar fyrirtæki sem nýlega greiddu marga milljarði í arð til eigenda þurftu allt í einu ríkisstyrk til að halda starfseminni gangandi.
Faraldurinn virðist ekki hafa haft áhrif á laun forstjóra einhverra fyrirtækja og héldu sumir sínum milljónum á meðan aðrir starfsmenn fengu greitt frá ríkinu í gegnum hlutabótaleiðina. Hér fyrir neðan eru nokkur dæmi um það.
Grímur Sæmundsen, forstjóri Bláa lónsins og formaður Samtaka Ferðaþjónustunnar – 18.571.052 kr
Bláa lónið greiddi eigendum rúmlega 12,3 milljarða á árunum 2012-2019. Hæsta greiðslan var árið 2019 þegar fyrirtækið greiddi ræuman 4,1 milljarð til eigenda samkvæmt grein úr Stundinni.
Bogi Nils Bogason, forstjóri Icelandair Group – 4.404.423 kr
Icelandair fékk greidda 3,6 milljarði í gegnum hlutabótaleiðina samkvæmt umfjöllun Kveiks frá því í febrúar á þessu ári.
Erna Gísladóttir, forstjóri BL ehf. – 3.957.135 kr
Árni Stefánsson, forstjóri Húsasmiðjunnar – 3.745.725 kr
Árni Pétur Jónsson, forstjóri Skeljungs – 3.669.089 kr
Skeljungur ákvað þó að endurgreiða upphæðina sem félagi fékk í gegnum hlutabótaleiðina en það kom upp að aðeins sex dögum áður en starfsmenn voru settir á hlutabótaleiðina hafði félagið greitt út 600 milljónir í arð.
Heiðar Guðjónsson, forstjóri Sýn hf. – 3.612.967 kr