fbpx
Miðvikudagur 27.október 2021
Fréttir

Algengt að fólk sé dapurt á sumrin

Kristján Kristjánsson
Miðvikudaginn 21. júlí 2021 08:00

Ekki missa af Helstu tíðindum dagsins í pósthólfið þitt

Lesa nánar

Sumir finna endurtekið fyrir depurð á sumrin en mesta eftirvænting margra er bundin við sumarið. En ýmis ráð eru til gegn depurðinni að sögn Sóleyjar Drafnar Davíðsdóttur, sálfræðings hjá Kvíðameðferðarstöðinni.

Fréttablaðið skýrir frá þessu í dag. „Það er svo merkilegt að við tengjum vanlíðan frekar við veturinn og finnst að okkur eigi að líða vel á sumrin en í rauninni er algengara en við höldum að þunglyndi láti á sér kræla á vorin og fram eftir sumri,“ er haft eftir henni.

Hún sagði einnig að 10% þeirra sem eru með árstíðabundið þunglyndi séu með þunglyndi yfir sumarið. Hún sagði ekki alveg vitað hvað valdi þessu en vitað sé að sólarljós trufli melatónínmyndum sem getur dregið úr magni serótóníns en lítið magn serótóníns hefur verið tengt við þunglyndi. „Svo eru það þessir samfélagslegu þættir. Við höfum rosalegar væntingar til sumarsins og það á að vera geðveikt. Ef það stendur ekki undir væntingum, rignir til dæmis allt sumarið, eru vonbrigðin þeim mun meiri,“ sagði hún einnig.

Hún sagði að líklega finni einhverjir fyrir slíkum einkennum núna vegna hins mikla veðurmunar sem hefur verið á landinu í sumar. Ský og súld hafi oft verið í Reykjavík á meðan sólin hefur leikið við fólk á Norður- og Austurlandi. „Svo eru það samfélagsmiðlarnir sem gera okkur óleik. Því það lítur út á fésbókinni eins og allir séu að gera svo ógeðslega skemmtilega hluti alltaf og að allir aðrir séu svo ofboðslega hamingjusamir. Vandinn er að við sjáum inn í okkur en ekki hvað bærist innra með öðrum og hvernig þeim raunverulega líður. Við erum þannig að bera okkar innra saman við ytra yfirborð annarra og fólk ber það alls ekkert alltaf með sér hvernig því líður,“ sagði hún.

Hún benti einnig á streituvalda sem fylgja sumrinu. Hærri útgjöld vegna sumarfría, álag vegna þess að börnin eru heima og skortur á rútínu. Svefn fari úr skorðum, fólk drekki meira á sumrin og það auki kvíða og depurð, að minnsta kosti daginn eftir.

Hún sagði ýmislegt sé hægt að gera til að takast á við sumardepurðina: „Að stilla væntingum í hóf, þetta þarf ekkert að vera geðveikt og maður getur ekki verið glaður alltaf. Eins að minna okkur á að þó fólk líti út fyrir að vera alltaf að vera að gera geggjaða hluti, er veruleikinn ekki alltaf þannig. Það er ekki allt sem sýnist og mönnum líður misjafnlega á sumrin enda er lífið oft á tíðum erfitt.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 23 klukkutímum

Hornafjarðarmálið: Pressa var sett á þolanda um að mæta aftur til vinnu – Kynferðisleg áreitni sögð ekki liðin í jafnfréttisáætlun

Hornafjarðarmálið: Pressa var sett á þolanda um að mæta aftur til vinnu – Kynferðisleg áreitni sögð ekki liðin í jafnfréttisáætlun
Fréttir
Í gær

Ragnar og Vilhjálmur hóta fyrirtækjum, hinu opinbera og bönkunum – „Við munum sækja hverja einustu krónu“

Ragnar og Vilhjálmur hóta fyrirtækjum, hinu opinbera og bönkunum – „Við munum sækja hverja einustu krónu“
Fréttir
Í gær

Ölvuð ók rafskútu á lögreglubifreið – Stal 10 kílóum af smjöri

Ölvuð ók rafskútu á lögreglubifreið – Stal 10 kílóum af smjöri
Fréttir
Í gær

Fjórir greindust með Covid á Landspítalanum – „Ekki er vitað á þessari stundu hvernig smitið barst inn á deildina“

Fjórir greindust með Covid á Landspítalanum – „Ekki er vitað á þessari stundu hvernig smitið barst inn á deildina“
Fréttir
Fyrir 2 dögum

Ein umfangsmesta kannabisræktun landsins fyrir dóm – Hjón á sextugsaldri og tveir synir þeirra meðal ákærðu

Ein umfangsmesta kannabisræktun landsins fyrir dóm – Hjón á sextugsaldri og tveir synir þeirra meðal ákærðu
Fréttir
Fyrir 2 dögum

Eldheit skoðanaskipti um framtíð Bændahallarinnar – „MAKE HOTEL SAGA GREAT AGAIN“

Eldheit skoðanaskipti um framtíð Bændahallarinnar – „MAKE HOTEL SAGA GREAT AGAIN“