fbpx
Föstudagur 15.október 2021
Fréttir

Markús dæmdur í fjögurra ára fangelsi – Nauðgaði dóttur sinni ítrekað árum saman

Kristján Kristjánsson
Þriðjudaginn 22. júní 2021 15:27

Mynd/La Policía Nacional

Ekki missa af Helstu tíðindum dagsins í pósthólfið þitt

Lesa nánar

Frá því að hún var fimm ára þar til hún var níu ára mátti hún þola nauðganir af hálfu föður síns, Markúsar Betúels Jósefssonar. Stúlkan er nú 19 ára. Markús, sem er 51 árs, var í dag fundinn sekur um að hafa ítrekað nauðgað dóttur sinni og var hann dæmdur í fjögurra ára fangelsi af dómstól í Svendborg í Danmörku.

Í tilkynningu frá lögreglunni segir að Markús hafi neitað sök og hafi áfrýjað dómnum samstundis til Eystri Landsréttar. Auk þess að vera dæmdur í fangelsi var Markúsi vísað úr landi í Danmörku fyrir fullt og allt að afplánun dómsins lokinni og má aldrei aftur koma til landsins.

Nauðganirnar áttu sér stað á árunum 2006-2010 þegar Markús hafði umgengni við dóttur sína. Ofbeldið átti sér stað bæði á Íslandi og í sumarhúsi á Fjóni.

Dóttirin hefur ekki séð Markús síðan 2010.

Nyborg sveitarfélagið tilkynnti um málið til lögreglunnar 2018 og hófst rannsókn þá. Hún leiddi í ljós að Markús væri líklega á Spáni og þann 2. júní 2020 var hann úrskurðaður í gæsluvarðhald að honum fjarstöddum. Í kjölfarið var hægt að gefa út alþjóðlega handtökuskipun á hendur honum. 17. október síðastliðinn var hann handtekinn í Alicante á Spáni og hálfum öðrum mánuði síðar var hann framseldur til Danmerkur þar sem hann hefur setið í gæsluvarðhaldi síðan.

mynd/skjáskot af myndbandi lögreglunnar á Spáni

Jacob Thaarup, saksóknari, sagði að málið væri á margan hátt óvenjulegt. „Hér er um að ræða fjölda grófa ofbeldisverka sem beindust gegn dóttur hins ákærða. Þetta er líka mál þar sem framburður vitna skipti gríðarlega miklu máli því svo langur tími leið frá ofbeldinu og fram að kærunni að engin sönnunargögn voru til staðar,“ sagði hann.

Thaarup sagði að sú staðreynd að stúlkan trúði tveimur vinkonum sínum snemma frá því sem gerðist hafi skipt sköpum hvað varðar möguleika lögreglunnar á að gefa út ákæru á hendur Markúsi og fá hann dæmdan.

Auk nauðgana var Markús einnig dæmdur fyrir að hafa hótað dóttur sinni ofbeldi og að hafa beitt hana ofbeldi. Hann sparkaði í hana og sló. Dómstólinn komst þó að þeirri niðurstöðu að ekki hafi verið um misþyrmingar að ræða út frá lagalegu sjónarmiði, heldur hafi verið um ofbeldi að ræða sem félli undir vægari lagaákvæði og því væri sá hluti ákærunnar fyrndur.

DV skýrði frá máli hans í lok maí.

Danir vilja Markús Betúel í minnst fjögurra ára fangelsi – Ákærður fyrir að nauðga dóttur sinni á Selfossi og í Danmörku

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Sigurbjörn greindist með fjórða stigs krabbamein – „Kannski verð ég dáinn áður en árið er liðið“

Sigurbjörn greindist með fjórða stigs krabbamein – „Kannski verð ég dáinn áður en árið er liðið“
Fréttir
Í gær

Um 70 Íslendingar í Kongsberg – Enginn óskað eftir aðstoð

Um 70 Íslendingar í Kongsberg – Enginn óskað eftir aðstoð
Fréttir
Í gær

35 ár frá leiðtogafundi í Höfða: Sjáðu hjartnæma ræðu Reagans í Keflavík

35 ár frá leiðtogafundi í Höfða: Sjáðu hjartnæma ræðu Reagans í Keflavík
Fréttir
Í gær

Tveggja turna tal: Útvarp Saga og Öfgar í hár saman – „Er þetta fjárkúgun eða hvað?“ 

Tveggja turna tal: Útvarp Saga og Öfgar í hár saman – „Er þetta fjárkúgun eða hvað?“ 
Fréttir
Fyrir 2 dögum

Íslenskir foreldrar í losti – „Er fólk æst í að ala upp siðblinda morðingja?“

Íslenskir foreldrar í losti – „Er fólk æst í að ala upp siðblinda morðingja?“
Fréttir
Fyrir 2 dögum

Örlagarík fasteignaflétta Birgis í Lúxemborg dregur dilk á eftir sér – Gjaldþrota, dæmdur og nú ákærður fyrir fjárdrátt

Örlagarík fasteignaflétta Birgis í Lúxemborg dregur dilk á eftir sér – Gjaldþrota, dæmdur og nú ákærður fyrir fjárdrátt