Á þriðja tímanum í nótt var lögreglunni tilkynnt um innbrot/þjófnað í ljósmyndavöruverslun í Hlíðahverfi. Þar var verðmætum munum stolið.  Á Laugarnestanga kviknaði sinueldur skömmu fyrir miðnætti. Slökkvilið sá um að slökkva hann.

Á ellefta tímanum í gærkvöldi var óskað eftir aðstoð lögreglunnar á veitingahús í miðborginni. Þar hafði gestur fengið afgreiddar veitingar sem hann gat ekki greitt fyrir þegar kom að uppgjöri.

Á níunda tímanum var tilkynnt um tvo drengi sem voru að kveikja í pappír við Vatnsendablett í Kópavogi. Slökkvilið fór á vettvang þar sem skraufaþurrt er og hætta var talin á að eldur gæti borist í gróður.